.
ساعات بخاف أمد إيدي . . لتنجرح
م الغدر و القسوة
اللي صبحوا . . عنوان الحياة
حياتنا . . .
اللي كانت غنوة في ليلة سهر
حياتنا . . .
اللي كانت ضحكة على وش القمر
فين الليالي . . .
اللي كانت فيها الغناوي ويا الحكاوي
لوش الصبح صاحية مجلجلة . . .
فين . . . خطاوينا ع الطريق ويا الأمل
لما كانت كل خطوة طارحة ميت فدان
سعادة في قلبنا . . .
تتفتح ورودها في نور الشمس
فوق خدنا . . .
فين . . . مع كل نهار بنقول عمار
يا دنيا بحبنا . . .
فين النهاردة من زمان
لما كانت اللمة بتدينا الأمان
و تضم حلمنا . . .
احنا توهنا ؟ !!
ولا اللي تاهت . . . هي أحلامنا ؟!!
لا . . .
دا احنا توهنا . . يوم ما تاهت منا آمالنا !!!
.
بقلمي / منى عرفة *
ساحة النقاش