جريدة الحياة المصرية

20 يناير ·  
الأماكن ...

مش بقلّب ف المواجع
بس فيه ف النفس ..لكن
ومهما كان حجم اختلافنا
لسه فينا الحزن .. ماكن .
كل شئ فى الدنيا ممكن
فوق رصيفنا الشئ ده راكن
غيرشى بس العمر راجع 
مرشلين.
وهما هما دولا نفس الدمعتين
وجمعتين × جمعتين 
ضحّكنا.. هجر المساكن
وابتسامنا كله ساقع
ملح أيامنا الكئيبة 
فوق حيطان الهم ناقع
حظ إيه ياعم سيبك
عندنا و لبس البراقع
ميّه قاطع
سكّه قاطع
رزق قاطع
وابن آدم الحقيقي 
مره طافح .. صح لكن..
روحه هايمه ف الأماكن
نظره واحده منه ليها
تلتقيها .. فجرت كل السواكن
واللى غاطس يبقى قابب
واللى كاره يبقى حابب
واللى داكن يبقى فاتح
واللى فاتح يبقى داكن
نظره واحده منه ليها
عامله إيه الدنيا فيها
أم دلوقتى تلاقيها..
جده ممكن..
م اللى زى حبيبتى ( مغنم )
كل قادر يشتريها
فاكره لما كنتى جنبى
كنتى لابسها يومها فوشيا 
لا ياربى .. لابسه بمبى
لأ كرنبى .. أيوه فاكر
كان ساعتها النور مواتى
وكان شارعنا مفهش لمبه
دق قلبى كان مسمّع
للى رايح واللى آتى 
كان مجمّع ..كان ناياتى
كله كان سامع سكاتى 
.............................
حد فاضى ..
ف المرايا كلكم 
واقفين قصادى
والسنا دى 
والسنه الجايه اللى حى
أشوفكوا زى ..الاستيكات
شغاله تكنس..
ذكرياتكم ..ذكرياتى
م الحكاية
من فناجين القراية
وم الأيادى
يلا هانت..
خطوتين ف العمر باقيه
وكله عادى
..................

شعر/ حمدى حسين