الحركة الثقافية بدشنا

بدأت الحركة الثقافية بدشنا مع انشاء بيت ثقافة دشنا عام 1971

وكان النشاط الأدبي والنشاط المسرحي و حركة الفن التشكيلي من أبرز هذه  الانشطة .وكانت البداية الحقيقية لأدباء دشنا مع تشكيل نادي الأدب عام 2007. بعد صعوبة بالغة , تمكن أدباء دشنا من تأسيس النادي , وذلك لصعوبة الشروط التي يجب توافرها في الأعضاء العاملين ,وهم قوام هذه الأندية , فهم يمثلون الجمعية العمومية .التي يتشكل منها أعضاء مجلس إدارة النادي ,ومنهم الرئيس الذي يتم ترقيته ليمثل زملائه في نادي الأدب المركزي للمحافظة بأكملها .

وبدرورهم  يقوم أعضاء نادي الأدب المركزي باختيار رئيساً لهم ,يمثلهم , ليكون متحدثاً ومدافعاً عنهم باسم الحركة الثقافية كلها  .

وكان أول من ترأس نادي أدب دشنا هو: الأديب / فتحي أبو المجد محمد 2007/2009

هاتف 01008341845

وجاء من بعده :

 الشاعر / عبيد عباس       دورة  2010 /2012   هاتف  01145708095

الشاعر / حمدي محمد حسين     دورة  2013/2015  هاتف  01015912524

الشاعر / محمد ابراهيم عمر    دورة  2016/2018  هاتف  01064134370       01063150278

الشاعر / حسين سعيد سيد      دورة  2018/2020  هاتف

مدة دورة مجلس ادارة النادي( عامين ) .بعدها يتم اجراء انتخابات جديدة بشكل ديمقراطي  لاختيار مجلس إدارة جديد .

أعضاء الجمعية العمومية لنادي أدب دشنا وهم :

 دكتور محمد عبيد      هاتف مقيم بدولة الإمارات العربية

حمدي محمد حسين     هاتف   01015912524

 النميري متولي ابو المجد   هاتف  01007089449

 طلعت محمد عباس    هاتف  01002373990           01067509186

 محمد ابراهيم عمر هاتف  01064134370       01063150278

 

عربي كمال فرغلي .. مقيم بالقاهرة .. هاتف01006838430      

 مبارك احمد محمود   .. هاتف   01008334898

 عادل وردي صليب   .. هاتف  01223089383

حسين سعيد سيد   .. هاتف  01019757805

 رفعت امير فياض  ..  هاتف  01005808525

 محمد حسن عبادي   هاتف   ..   01111708400

القاص .. عاطف عطية الله محمد  ..   هاتف 01221814067 

عبد الباسط محمد  ..  هاتف  01287708120    01115563229

الكاتب .. صابر حسين خليل   هاتف     01099734479

 حلمي قاسم   هاتف  01115628597

الروائي .. جمال الحفني    هاتف 0100 7036017       يعمل بالكويت

 علاء الدين عبد الرافع عبد العزيز .. هاتف  01003768735

          *********************************************************

شعراء مؤسسون  نقلوا عضويتهم الي اندية أدب اخري وهم :

الشاعر والأديب الكبير ..عبيد عباس عبيد     هاتف  01145708095      ( نادي أدب قنا )

 أنور عكاشة   ..   هاتف     01151955595                               ( نادي أدب قنا )

 فتحي ابو المجد محمد ..  هاتف 01008341845                   ( نادي أدب نجع حمادي )

 أحمد عبد الغني .. هاتف    01025153829                        ( نادي أدب نجع حمادي )

 محمد حفني عطا الله    هاتف    01010475016                  ( نادي أدب نجع حمادي )

أعضاء منتسبون ..

عبد الفتاح عبد الشافي ..هاتف 01067955878

 

 

 

نمازج من نصوص الشاعر : حمدي حسين ..في مراحل عمرية مختلفة

 

(1)

سحابه

..........................

كان لابس الأفرول ..

مسنود علي شجرة

اسمر سمار فلاح ..

ابيض بياض ملاح ..

أصفر صفار الجوع ..

وعضة القايش

لا فيه صليب على يده كان مدقوق

ولا فيه زبيب علي جبهته ..ملزوق

الرمل كان مدفي بشرابه

والإبتسام في عنيه

حبة زلط مفروم سقطوا من الارهاق

لحظة خلاص البيادة من خطافات رجلية

حفنة ورق ناشف وشوك ورده

كانوا مفروكين في ايديه.

فتحة في جيبة الشمال

بتهوي علي ضهره

فايحه بروايح المسك والحنة

بصيت عليها بشوق

فلمحته في الجنه .

سحابه فوق راسه

ومعاه منين مايروح .

فيه حد كان مشغول بهويتة خالص .

فتش جيوبه طلع بمحفظه وكارنيه .

شخط ..تأفف ..نفخ ..

وقالي :قوم إقرا

الاسم :ابن ابوه

السن :سن أبوه

المهنه :مهنة أبوه

خطف الهويه وقال واحد من الواقفين

:والشكل شكل ابوه

كما شوفته ع الجبهه

هتفوا الخلايق بصوت سؤال مربك

كنا عرفنا الولد لما هنعرف أبوه

مدوا الإيدين قلبوه..

قعدوه ..

نصبوه .

رجع الجسد كما كان ..

ورجعت للإسرا

جسر المحبة اتفرد

من سينا للبصره

نزلو جنود السما

زفوا الولد وخدوه ..

.................................

(2)

بورتريه ..

................

ورا كل لوحه ..

فيها دمعة خد .. فيه حد..

ماسك فرشة الألوان

وحد سادي بعنف

مش إنسان

واحد بيصنع لحظة التأثير

والتاني يرسم خدعة الفنان

الطفل باكي صحيح

والإحتياج ده صحيح

بنت وولد أحزان

بالأجر بالنقطه .

بيكملوا اللوحه

من كدب احساسنا -

اللحظي باللقطه .

يا أيها المجانين

الفن مش تمثيل

والفنانين انواع ..

مش كلهم خداع .

لو بورتريه بصحيح

كات الدموع سالت

وباظت الصورة .

(3)

بشارة ..

..........

ابوي كلمني في التليفون

وهناني بعيد الأم ..

ما جابشي سيرتها ولا مره

عشان جرحي

ما يتفتحش في معاده ..

كما الأرهار ..

في كل ربيع .. وينزف دم .

ما هو عارفني

وعارف هو ..

كام هي..

فاتتلي من جبال الهم

مكالمة ابوي

دعا ليا ولولادي

لكن احساسي بالدعوه

في هذا اليوم .

ماكانشي دعاه دعا عادي

ما كانشي بيطلع السموات

عشان ينزل ..

ولا كانله طريق أو درب

من باب الحنان للقلب

من طرف اللسان تطلع حروف القول

تطبطب فوق حنايا الروح

ترياق الشقا والغلب.

مكالمة ابوي

كان ليها معاني كتير

شريط بيمر في وداني

ووز ابيض

نزل في الترعة ..يتوضى

زمن عدا ..

شلن فضة ..

وقطن ابيض رجع للغيط

بعد اما بلي وصدا

مكالمة ابويا

زمزمنا ومغزلنا

وماء الوجد

خيوط النور

ولون الورد

ودعوه موزعة ع الناس

قمر وناس وكان سهران

بيرعانا ويقرالنا الصمد والورد

جسد شقيان من الحرمان

بيغزل لينا توب فرحه

ما نحتاجش ساعتها لحد

مكالمة ابوي ..

سماحة ودين

ركوع وسجود

وتكبيرة صلاة القرب

مكالمة ابوي

اشارة.. امي بعتاها

رسالة حب

مكالمة ابوي

بشارة رب .

................................................

النصوص الثلاث من ديوان " الدنيا وكافة شيء " قيد الطبع

 

 

 

 

 

 

 

 

 

 

 

ومن ديوان " سفر علي ضهر طير بالنفر " ..نختار :

صوتك..

..................

خلى تونك قد سمعي

هافهمك ..

والكلام يسرح لقلبي 
والرموش هتقوم تنفضلك  مكانك
تبقى جنبي.
وان مشيت ..

وغرقت في الشارع وهمه
وكل طوب الأرض ده اللي لسه لامه
أبقى لوم نفسك ..
وحاول ..

تربط الشارع بشاشك
تلحق العرقان في دمه.

حس بالناس اللي كاتبة ع التكاتك
مشكلاتها .. أمنياتها ..معطياتها

حكمة الدنيا اللي بتبرر سكاتها

وأنت قاعد ع القهاوى

ملِّى عينك 
قول لحمال البخور

الله يعينك
قول لبياع العطور

واحشنا ..فينك.
قيس عل صابعك قزازه

..واشتريها
حتى لو ماكانتشى فيها

ريحة الأحباب. 
لمع الجزمة القديمة أم جلد تراب
واتعجن في الناس..

هتفرج

بس دفي البرد

ولو في اشاره

جالك واد بتاع مناديل

ماتكسفهوش

وخد منديل

هتحتاجله

هتمسح بيه دموع الورد

ولو في القطر

فيه كروان

قرالك أية أو موال

ما تصرفهوش

ده محتاجلك

ومن فضلك :

حاسب لينا على المشاريب

وسيب .. في جيوبنا

راحة البال.

..................

 

 

 

 

 

 

طيارة ورق ..

...................
يا رب لما يحين الحين 
والروح تصعد لباريها
طياره ورق
خلى الأولاد يفرحوا  بيها
والمطره ترخ
تبل الروح الطيارة ..وتنديها
بيد القدرة

شكّلّها يا رب 
اعمل ما بدالك فيها
يا مجرّى الماء والريح تيار

وانت اللي رحيم  
اعجنها  كتاب..

مليان رسومات ..
أفلام كرتون ..شيكولاته وغزل بنات
وعيال بخيال
حواديت وحجاوى ..وغناوى
ماتشات ف قهاوى وشعر و سرد
أشجار وزهور ونجيل أخضر ..

سجادة فرض
فاكهه وخضار ..مراجيح أطفال
وفرح كبران

 بيلم شباب الكون وعرايس الأرض
اعملها حجاب ..

ع الشرع سليم 
واحقظنا من كل لئيم 
وحياة النبي ومقامه يا رب
تهدّى السر.. وتصلح حال البني أدمين 
وتفك أيدين إل مش قادرين 
وتريح بال إل مش طايلين
ولا طول ولا عرض .
يا رب ..إحنا عبيدك
يا رب .. الأمر بأيدك

مخنوقة القمره

ما عارف ليه ...؟

قلبنا مقبوض ..

لو يفضي الجيب

ومزاج الناس ما بقاش مظبوط

وانت اللي كريم  
إطبعها جنيه ..

نتكلوا عليه

 جنيه في شبابه 
يسد الجوع .. ويداوى الجرح

وانت اللي عليك الهدى والفرح  
طيرها جناح وبساط للريح

ثورة تصحيح 

كراس .. تعليم ..

 تلاميذ فاهمين .
بتحب بلادها بجد ..

وسد
وحائط صد ..

يجيب الكاس .
تطلع كل المخاليق ..

 م الضيق 
بلالين ألوانها كتير..
وفطير.. فرح الأعياد  .. ومرق .

 
ونطير .. كلنّا .. كلنّا ..   يا ولاد   

    طياره ورق

 

.......................

 

 

 

 

 

 

 

 

 

العسكري...

...........................

ياد بصلي زين

العين في العين

وافتحلى القلب ..قبل الودنين

فرعون ..راح فين ..!

فين النمرود..؟

وجنود بتهد في أبراجها .

وأما فرجها ..ربك نجانا من التلمود

عبروا الصايمين جسر الأحزان

والعسكري كان

عبد المعبود..

العسكري مش عبد المأمور

العسكري نور.

وقمر سهران لجل العشاق

مع انه ليلاتي يبات مشتاق

بقليب مفطور.

مش له أحباب وفؤاد حزنان

زى العصفور.

م اهو زيينا من دم ولحم
وله أحاسيس وألام وشعور
مش اخويا واخوك وواد عمى 
ولا نغمى .. 
..   افهمني يا واد 
يكفى انه شهيد زنهار فى طابور
مستنى الدور

العسكري ياد ..

العسكري واد اسمر ودراع

توقف من فوقه اسود وسباع

العسكري نار

وحطب أشجار لكانون الدار

بيدفّى البرد .. تنام يا فقير

من غير كستور

العسكري سور

ترباس الباب .

العسكري أمنّ وشطّ وبرّ

يجيب النصر .. ولو مُطرّ .

مين غاوي يحارب وسط الدمّ

في قلب النار وفى عز الحرّ .

واكتب يا تاريخ

قصتنا كفاح ..

أرواحنا سلاح 

البحر هناك ..  حارسه الملاح

والفاس في إيدين سيدنا الفلاح .

افهم يا بني

قبل ماتهدم .. حاول تبنى .

تكره تقبل

العسكري ماضي ومستقبل

جرّد العيله..وألف قبيله

هو العكاز ساعة الميله

قادر ويشيل أتقل شيله 

العسكري فُرقه وموت وشهيد

 العسكري فرحة ليلة العيد

وخبر معلوم ..وغضب مكتوم

أول ما ظهر .. للدنيا بهر  .

وإذا زاد الضيم

يقلبها الخيمة يزيح الغيم

كما طيارة يحلّ الموضوع .

العسكري واد عيّل غلبان
كما عود ريحان بالعشق رطن .
ورده في أصيص حامله القصقيص
وفداك يا وطن .
العسكري جوع ..

صوتنا المسموع
وعلم مفرود ..فوق الصناديق ..

 في قلوبنا سكن .
العسكري كود فاقد مفقود 
جندي مجاهد .. وأنت الشاهد 

وأنت المشهود ..
تتجنّا عليه ..

 أوقفلك .. لا 
العسكري مات ووهبنا حياه

العسكري لا .
اثبت يا ولد..

اثبت يا ولد..
ببساطه ها قول 
العسكري برج حمام زغلول ..

العسكري غووول
كما طبق الفول ساندك يا بلد.

افهم يا ولد

 افهم يا بلد

.......................

 

 

 

 

 

 

 

 

ومن ديوان " منظر متعدد لخروج " الروح نختار :

 

مقدمة كل القصايد

 

 
ياصوت ادان الفجر 
ادخلني قوي 
امسكني من يدي اليمين 
تبت قوي 
خجلان انا 
مكسوف قوي 
والفجوه زادت بالقوي 
انا نفسي والله العظيم 
نفسي قوي 
اسبق ادانك للصلا 
و ابكي قوي 
و ابكي قوي 
و ابكي قوي 
...............

 

 

 

 

 

 

 

 

 

 

المسألة أتحلت يا برمه ؟ 

كل اللي عارفه 
أن الحياة بقي طعمها كوكا 
بقي طعمها بيبسي 
والمعطيات الكتيرة بتسبت 
اني عرباوي 
اخماسة تاهت جوة اسداسة 
والمارلوبورو بيقطع باقي انفاسة 
عرباوي لكن مأمرك 
مداسة باسة عشان يفهم ويتعلم 
فشم الديكسي فوق خده 
فار الدم في عروقه 
نزل تلطيش علي خده 
وبعد اما اقام حده .. فرد يده 
وعبا النيل علي كفه 
شرب منه .. شنق تفه 
علي خده
سقط ع اليد لحم الخد 
وفضلت ريحة الورنيش 
علي خده 
وفضلت ماما أمريكا 
( فتيه فرش ) 
بطعم 
الشبسي 
والكنتاكي 
والكاتشب 
..........................

 

 

 

 

 

 

 

حرية 

.......
<!--

من زمااان 
وانا غاوي رسم ونمنمه 
اللون في قلبي الكون نما 
وفي يوم باشخبط ع الورق 
طلعت فراشه 
لونتها .. ورسمتني .. لونتني . 
واختها تحت الشجر .. نلعب سوا 
نجري ونتكعبل سوا 
سهتني طارت في الهوا .. ملت جمودي 
واما غلبت اندهلها .. يا فراشة عودي 
فكرت ارسم ع الورق جنة ورودي 
بس الفراشة بحسنها 
شدت ورودي لخدها 
وفاتتني وحدي 
ع الورق .. باقلع حدودي 
....................

 

 

 

 

 

 

 

 

 

 

 

كل الكتايب بلادي 
<!--

كل الكتايب بلادي 
وفؤادي سلك الورود 
ولا حاجة تقطع في قلبي 
غير دمعه تبري الخدود 
كل الكتايب بلادي . 
الفرق بيني وبين عساكر الجيش هدف 
وانا من زمان نفسي اتعدل .. التزم 
انزل طابور النمل ادور 
علي ارض بور .. حتى اخور أنهزم 
والبس ساعتها خوزة القائد 
ادي الاوامر بتصريح الخروج 
اطلب من الشمس الحماية 
ومن عدوي اللدود 
قطرة الدم النهاية 
وساعتها اصبح هدف 
زي الرجال ع الحدود 

..........................
<!--

<!--

<!--

 

 

 

 

 

 

<!--

 

 

ومن ديوانه الأول "سكاكين وكفوف " نختار :

 

بين شك وبين يقين

................................

أنا وانت

كما السمكايه في بحر السراب ...........

لا عيني بتشوفها تسلّم بالوجود ..!

ولا عينها بتشوفني تسلّم بالعدم ..!

أنا وانت حرفين من كتاب ..كداب

كان انسلاخه من كتاب الكون لغطّ

وانا وانت كنا الأغبيه من جملة القراء

انت اللي قطّرت الفرح ..فوق السطور ..أوجاع ..

وانا اللي ضللت بكلامك ..

أملي اللي طوّل ف الغياب

واللي تغيب جوه قرص الشمس ..خوف

يا شعر : يا مس الجنون

انت اللي حللت انتحاري ..لما دوبت الطلاسم

وشربتها ف الفجر ................ نار .

يا قلب مسكون بالمجون .. والفكر .. والأذكار

أنا حلم ..مش عارف يكون تذكار    على صدر محبوبتي

وانت اللي كنت ولا تزال ..حقيقة العمر اللذيذ

نبض البشر ..زاد الطريق

وانا اللي كنت    ولم أزل   من يوم ما كنت .

ضايع ما بين شك ويقين ..

............................

 

 

الرغفان
..................

يا وحيدة ف زحمة سكانك

علشانك فت اللون السخن

وعشقت برودة ألوانك

وانا لون مدهون

- من عهد طولون –

على ترس الساقية ف آخر الكون

مش عايز منك ولا حاجة

مش عايز غير كلمة ... فيكون

من غير الكلمة أنا هالك

ودي آخر مرة هقولهالك .

أول ما طلعت من الأحزان :

برة الكردون

حدفت من الشباك إياه

( الجلابية ) ( عمة أبويا ) ( عقد الحزون )

حدفت من الشباك إياه

خيرة أهلك

عباد الشمس انا واستاهلك

ردي الشباك اللي قصادك

دا لا يعرف ميمك من صادك

هوه قصادك

وانا عبادك

وانتي المخنوقة من الزحمة

خلي ف قلبك حتة رحمة

يا وحيدة ف زحمة أهاليكي

والمولد صبغة لياليكي

تمثالك بيشاور كده اهوه ..

كده اهوه .. كده اهوه .. كده اهوه

تمثالك بيشاور على مين ؟

وانا زي الأطرش

والزفة جوه البتارين

ميادين بتشاور على ميادين

وانا زي العيل ف اللفة

ولا حيلتي لا مركب ولا دفة

وباعد المية مليون لفة

وأعاود كما جيتلك فاضي

وأنين أقدامي اللي بتشلي

على صوت مزيكة حسب الله

بتعيد موالك وتنادي

بلادي بلادي بلادي

مش هافضل طول العمر ألب

الصوت مدبوح

وانتي اللي عليكي العين بتروح

حبك علمني أكره وأبوح

كده بالمفضوح

أنا باكره ليلك يا مدينة يا عديمة الروح

كما باكره فركشة اللمة

نكت العمة

والتكشيرة

والغيرة إن كانت من غلبي

باكره عيني باكره قلبي

باكرهها .. نعرة أمجادك

نظرة معاليكي لعبيدك

نظرة عبوديتك لسيادك

باكرهها كدبة أعيادك

وقفة أحبابك على بابك ف ليالي القدر

وانا حاطك تحت عجلة القطر

يدوسك سطر وأبوسك سطر

يدوسك سطر وأبوسك سطر

يابنت ال........ إيييييه

كفاياني مواجع

من تاني أنا راجع لبلدنا

بلد الغفران

أتفتفت على باب الجامع

غلقين رغفان

علشان الناس العصافير تلقط وتطير

تلقط وتطير .. تلقط وتطير .

....................................

 

 

 

 

 

ما نيش أيوب ..

........................

مانيش أيوب.. لكن مغلوب على أمري

ف نهاري بازوق بالبويه حزنك يا بيوت

وف ليلي بازيف بحروفي تلفيق الشعر

وأغزل بمشاعر كدابه.. خيط الدخان

ألوان ألوان

وانا ف التوهان

اقفل على روحي البوابه

أتهد.. أنام

من طلعة شمس الخوف يا غروب

وانا 100 أيوب

متبعتر بين قبلي وبحري

وبين الكناتين

وانا زي الواكلين الصايمين

بنغني أنين وحنين..

وحاجات بتلف الراس

حراس يا بيوت مالناش فيكي غير بصمة إيد

ووريد نازف على كل جدار

شقشق يا نهار

واشتدي يا ريح

افتحي شباك واقفلي شباك بيت التايهين

ما احناش راجعين

وانتي يا شمعتي أصمتي

براميل ظمئتي.. بتنادي علي

اغسل بالرابسو نتانة الجاز

والجلد المتلون للغير

وأمانه يا طير.. اسكن عشك

لحسن طقيت..

والقلب المتسردن ف الصدر

بيموت سُكيت