شاهد الفيديو
مرة في نجع بلدنا جالنا ريس وكان مغرور.... مغرور
كان فاكرها تكية أهله وكان عايش في الدور... في الدور
قاموا قالوله وقف عندك مايصحش ياكبير... ياكبير
جاب العسكر وشيخ المنصر وياه ألف غفير.. غفير
نهبوا بلادي وقوت ولادي لكبير ولصغير... لصغير
قام النجع بحالوا وقاله بطل شغل حمير... حمير
قام النجع بحالوا بثورة ضد ولاد الكلب ... الكلب
وضد الريس حسني مبارك اللي معندوش قلب...قلب
قام النجع بحالوا وقاله وقف عندك لع ... لع لع
قام يهوّش قام يلوّش قولناله هع هع ... هع هع
والله ماتقدر يابني علينا أصلك راجل نطع ... نطع
بكرة تسيح من شمس الثورة ياتمثال م الشمع.. م الشمع
ياللا ياولدي يدي بيدك خطوة للتغيير ........ تغيير
لجل ما ننقذ مصر بلدنا من مجرم شرير ... شرير
يجي هريدي ويا جعيدي وتبقى الإيد في الإيد .. الإيد
هنرجع أمجادك تاني من الأول وجديد ... وجديد
بكرة الفلكة هتملى نجوعك من بحري لصعيد ... لصعيد
يا أم الدنيا يامصر ياغالية طالع فجر جديد ... جديد
ساحة النقاش