‮إخص عليكم‮ ‬يا أهل الثورة

نشر البهلول المصري‮ ‬في‮ ‬صفحته علي الفيس بوك،‮ ‬أبياتاً‮ ‬شعرية جديدة،‮ ‬يوجهها للمواطنين الرافضين محاكمة مبارك بدعوي أنه مريض وسنه كبرت‮.‬

وقال البهلول ـ وهو شخص مجهول‮ ‬يدعي‮ ‬أنه‮ ‬يعيش بالخارج‮:‬

إخص عليكم‮ ‬يا أهل الثورة تحبسوا حسني

مين راح‮ ‬يمسح دمعتي‮ ‬

غيره و الله الراجل كتر خيره

قضي‮ ‬حياته ناسي‮ ‬ضميره

جابلنا فتحي‮ ‬وعز وغيره

لجل ما‮ ‬ينهب وطني‮ ‬وخيره

واجـــب بردوا نرد جميـله

بس عشان خاطري‮ ‬يا رجاله

قدرو بردو ظروف الحالة

لو علي حبسه خلاص ناويين

خليكوا دايما كده فاكرين

ان الراجل قلبه مريـض

خلوا علاجه م التأميـن

دم ملـــــوث مع فيتاميـن

ياما اداهم للمسـاكين

واجـــب بردو نرد جميله

أصل الراجل‮ ‬ياما دلعنا

لو كان‮ ‬يقدر كان ولعنا

شاري‮ ‬خاطرنا و عمره ما باعنا

علمنا نحج في‮ ‬أمريـكا

طول عمره صاحب بولتيكا

ولا عمره بتهزه دموعنا

واجب بردو نرد جميــله

نحبسه بس و الله ده ظلم

مين حيطبب قلب الأم

اللي‮ ‬ضناها جالها قتيل

مين حيطبب قلب الأم

اللي‮ ‬ضناها مرمي‮ ‬عليل

بيعاني‮ ‬السرطان و الويل

ده جمايله كتيرة ما تتعد

تتخطي‮ ‬المعقول والحـد

بصراحة تعبت من العــد

اخص عليكم‮ ‬يا أهل الثــورة

نحبســه بـس‮.. ‬والله ده ظلم