بسم الله الرحمن الرحيم
طريقة عمل الجبنة القريش بالصور
اول حاجة نسخن الفرن على اعلى درجة
و ندخل الطاجن الفرن لمدة 5 _ 10 دقايق
وبعدين نخرجه ونضيف اللبن ونرجعه تانى لمدة 10 دقايق
دا بعد ما طلعناه من الفرن
فيه خيارين
اول حاجه تسبيه من غير اى اضافه وعشان احنا فى الشتا
حيقعد من 3 الى 4 ايام
او تجيبى منفحه او تضيفى خل او ليمون ويقطع
بس انا عشان الشتا اشتريت منفحه
تضيفى معلقه كبيرة على كوب الا ربع لبن وتضيفى على الطاجن
ودى المنفحه
تضفيها على اللبن وبعد 3 ساعات او اقل حيجمد اللبن
دا بعد ما اتجمد
طبعا يا بنات فيكم تضيفم الملح اللى انتو عاوزينوا بس انا بضيف بس ربع معلقه واوقات كتيييييييييييير مبضفش اى ملح
هنا قطعتها عشان يبان انها جمدت
نيجى للاهم طبعا كلنا معندناش الحسيرة
بس انا عندى ااااا
اللى معندهاش على اى شاشه
فضيت الجبنه على الحسيرة
وسبتها 4 _5 ساعات او طول الليل بس انا بحبها طريه
وفيها ميه الجبنه اللى عاوزاه تنشف تسيبها طول الليل لصبح
وبالهنا والشفا
ساحة النقاش