يوما بالمدينة الجامعية / غادة هيكل
لم يكتمل يومى بالمدينة الجامعية على خير فاول يوم تم ترتيب الحجرة فيه ووضع الحاجيات فى دولاب لا يتسع لطفلة وتم استلام العهدة وهى عبارة عن 2 ملاءة للسرير وبطانية من ايام الهكسوس وصينية الطعام وعليك انت تدبير حالك / ما علينا نحمد الله على الموجودلم نذهب إلى المحاضرات فلم يعد بالامكان اللحاق بها ووجب ميعاد الغداء ولابد أن نقف فى الطابور وللاسف مفيش (توكتوك) فلابد من السعى هرولة حتى الوصول إلى المطعم / طيب واللى ملوش مزاج للغدا مينفعش يطلع بالخضار والرز إلى المبنى ممنوع /
نسيت اقول لكم انه لنا مطبخ فى كل دور فيه بوتاجاز / تخيلو بوتاجاز واحد لعدد من الحجرات بكل حجرة أربع طالبات / وكمان فى عين مش شغالة / يا سلام /وطبعا أنتم عارفين البنات ودلع البنات / ومامى هى اللى بتعمل وتجيب الشاى لحد السرير ومبنرضاش /
أهى المدينة دى زى الجيش بالظبط لا/ زى السجن تهذيب واصلاح / خاصة واخر النهار
هو النهار خلص / معرفتوش عملنا ايه خرجنا نتغدى برة وضاعت نص فلوس الاسبوع والله يعين أهالينا بقى /
والأن حان موعد موعد التمام ومدام جنايات / سورى بحكم أنا فى السجن /هههههههه
تنادى كل واحدة باسمها وتعلم فى الدفتر ويغلق باب السجن العمومى /يوووووووووووووووه/أقصد باب المبنى وكله يستكين اما تذاكر واما تنام بس على مين / حعرفكم بعدين كنا بنعمل أيه /سلام مؤقت
ساحة النقاش