نظرا لاهمية الاكسسوار..و سألتوني ازاى بعملهم..قررت أفتح مدرسة لتعليم صناعة الأكسسوارات..و هنبدأ بالدرس الأول..التعريف بالخامات و الأدوات..تابعوا معايا..و أى استفسار أنا موجودة..نقول بسم الله و نبدأ

الأدوات
أهم أداتين هنستخدمهم الزرادية العادية و الزرادية ذات الرأس المدور..الأولى علشان نفتح و نقفل بيها السلاسل و الزرد..و التانية علشان ندور بيها المسامير(كل دة هنفهمه أكتر الدرس اللي جاي ان شاء الله)دول موجودين عند محلات الخرز..أو أى محل عدد,,أهم أداة الزرادية ذات الرأس المدور..أهم من الزرادية العادية

الزرادية العادية


الزرادية ذات الرأس المدور




الخامات
عندنا المسامير..و الزرد..و دي يعني حلقات الربط..و المسامير بتيجي في مقاسين..طويل و قصير..و كذا لون..الفضي و النحاسي و الذهبي..بس أنا بفضل الفضي لأنه بيمشي مع كل حاجة..كمان المقاس الطويل لأنك ممكن تستخدميه مع كل أحجام الأحجار..أما الزرد فبيجي في كذا مقاس برضه..دة الصغير منه..و فيه وسط و كبير..و برضه بيجي في نفس ألوان المسامير..أنا بفضل الصغير لأن شكله بيكون أشيك في الشغل..و دول ال5جم بجنيه
السلاسل..عندنا كذا حجم..الصغير و الوسط و الكبير..للأسف الموجود عندي الصغير و الوسط..و دول المتر ب3ج..أما الأكبرشوية فمنه المتر ب4ج..والأكبر خالص ب7ج....أما عن الخرز و الأحجار فالخيارات كتير..و أنا جبت لكم بعض صور للخرز..أما الأستيك فبنستخدمه في عمل الغوايش..و البكرة دي ب5.50ج لأنها ملونة..بس نوعها نضيف و كويسة جدا..الأقفال رخيصة..الواحد ب00.50ق بس..و ميداليات الموبايل بالجملة ال100بيعملوا25ج..العملات دي ممكن نستخدمها في الأنسيالات..بيكون شكلها حلو قوى..وسعرها كويس

المسامير




الزرد

السلاسل


بعض أشكال الخرز






ميداليات الموبايل


الأستيك


العملات


الأقفال

==============================================
أتمنى أكون قدرت أفيدكم..و لحد هنا انتهى الدرس الأول..الدرس التاني ان شاء الله هنشتغل فيه حلق بسيط من الأصداف..و ممكن نستبدل الصدف بالألماظ الصغير أو أى خرز مناسب يعجبك

أنا كدة خلصت..جهزوا الأدوات على بال ما أجهز الدرس التاني ان شاء الله..أى سؤال أنا موجودة
المصدر: Qute Things - Gozef Andro

ساحة النقاش

عدد زيارات الموقع

2,545,178