طفولتي
بحن
ل لعبتي اللي كنت اصنعها
من بقايا فستاني القديم ياللي موبر
بحن
لأخوتي لأصدقائي لأحبابي وبتحسر
على منجيرة بيي ياللي كانت تبكي الحجر
بحن
لزهر الرمان ولهاك العنبر
لخبز أمي السخن المقمر
بحن
للزيتون واللبنة والزعتر الاخضر
بحن
للزيت ياللي بعدو جاي من المعصر
لعروسة الزيت والزعتر
بحن
لهاك المرج الاخضر
لهاك الزيزفونة ولغصن الصنوبر
بحن
لحقول القمح ياللي بتميل مع الريح
وما بتتكسر
بحن
للصفصافة للعنب ياللي مثل السكر
وانا بين العناقيد عم اتبختر
بحن
للعرازيل للروابي للتراب الاسمر
وبكل شبر من ضيعتي بفوح منه العنبر
بحبك ضيعتي وفيك دائما بكبر
ــــــــــــــــــــــــــــــــــــــــــــــــــــ
مهااااااااااااااااااا
