جرى إيه يا نسوان

 جرى ايه يا نسوان 

هي النسوان جرالها ايه
بطلت تختشي كده ليه
عريانه ماشية بتتنطط 
و الشيطان فرحان بيزأطط 
زي ماتقول ماسورة اتفتحت 
أو لوحة حلوة و إنشرخت
عريانين من قدمنا فاتوا
صحيح اللي إختشوا ماتوا
فين كلمة عيب كده يا بنت
راح فين الخجل يا ست
يرحم زمان و ليالي زمان 
كانت العفة في كل مكان 
طب ايه السبب بس قولوا
حيرتوا الشباب الليل بطولوا
العيشة الصعبة الحياة المرة
هي اللي خلتكوا كده نمرة
خسارة ياشابه اللي عاملاه
نسيتي ربك قاعد في سماه
شايف و سامع كل ذنوبك
وإزاي بيدك بتكتري عيوبك
عمر الغرب ماكان حضارة
لكن أقول ايه بس يا خسارة
من خوفي عليكي بنصحك
لا الدنيا في يوم تجرحك
ساعتها دموعك حتبقى دم 
و الذيابه عليكي حتتلم
فكري شوية مين المستفيد
قال حرية و عاش سعيد 
ياريت تخافي على نفسك
و ما تخليش حد يعكسك
دي الدنيا والله ما تسواش
كلها أيام و حتعدي بلاش 
ليه تحملي نفسك معاصي
ذنوب غيرك تشيليها بلاشي
ربنا اداكي عقل تفكري بيه 
بلاش الشيطان يلبد فيه 
دي نصيحتي يارب تفهمي
بلاش في إبليس تتوسمي 
مهمته يدخلنا كلنا النار 
أصل يا حلوة بينا وبينه تار 
ما تخليهوش يلعب بيكي
و بالخطايا دايمآ معريكي
استري نفسك ربنا يصلحك
دا الديوث بس اللي يفرحك 
الديوث هو اللي ما بيغرش 
و لجنه ربنا ما يدخلش 
عامل فيها جنتل و مفتح
داه مريض و عقله مكسح
إزاي يقبل الناس تشوفك
وتبقى حافظه كل حروفك
بإسم الحضارة نسي دينه
ونسي عيون ربنا شايفينه
سايب الشيطان على هواه
يلعب بيه و ربنا نساه
خليكي فكرة إني نصحتك
ما تقوليش بس جرحتك
ما تخديش كلامي عداوة
داه من المحبة يا حلاوة
النصيحة بقت بفلوس
وياما الدنيا حتدي دروس

صائغ القوافي الشاعر
فهد بن عبدالله الصويغ
29-9-2016