أسأل عن حبيبي

أسأل عن حبيبي

سألت القمر عن شمسي
قال عدى عليا بضياه
كان هنا عدى بيمسي
و شفت الورد حياه

أنا جيتك يا ورد أسأل
حبيبي راح على فين
قالي كان مستعجل
عدى هنا من ساعتين

روح إسأل عليه البحر
يمكن يكون عنده جواب
إداني من شوقه عطر
وقالي بقيتوا أحباب

أنا يابحر قدامك بسأل
حبيبي عدى وجالك
قال عدى عليا يسأل
ووصف حبه بوصالك

بيشتكي من تقلك
وأنك عليه تقلان 
ومحبش حد قبلك
ولا بعدك إنسان

قلت له يا بحر طمني
ألقى حبيبي فين
قالي بس إسمعني 
حبيبك عاشق يا عين

روح دور عليه بين الزهور
تلقاه هناك بيستنى وعده
حتلاقي بدر البدور 
مشتاق ليك تواعده

روح ما تتأخرش عليه
طمنوا عليك قوام
دنتا كل اللي ليه 
حرام التقل حرام

روحت للزهر أدور حبيبي
سألته عنه بشوق و مشتاق
يا ترى فين يا زهر نصيبي
قالي صحيح الحب حراق

حبيبك مستني هناك 
و الشوق ملا عيونه
مشتاق للحظة هواك
تراعية وتصونه

مشيت بين الزهور أدور
لقيته مغمض عينيه
سبحان من خلق وصور
مفيش في الدنيا زييه

وقفت قدامه أسلم
فتح عينيه يسألني
قالي ليه سايبني أتألم 
و ليه للوحدة سايبني

قبل ما أقول كلمة
قام بحنيته حضني
قالي يا أجمل غنوة
بلاش بالبعد تظلمني

خدته بالحضن من تاني
قالي بحبك يا عمري كله
حبي ليك حب أناني
يا شمس عمري وظله

خلاني من الفرحة أطير
وأعشق الدنيا بحالها
طيرت زي العصافير
أغني للدنيا موالها

حبيبي قدامي وبيا فرحان
بيسعد أيامي بحبه ليا
خلاص يا دنيا مفيش أحزان
حبيبي ملا الدنيا عليا

صائغ القوافي الشاعر 
فهد بن عبدالله الصويغ 
14-9-2016