يومين و أفوق
بكره جرحك يلين
ويطيب القلب جراحه
يوم ولا يومين
وينطلق سراحه
ما عاد بغرامك سجين
إبتدى يشوف أفراحه
والعهد اللي تخبرين
فات و طلع صباحه
لا تحسبين راح أذوق
الموت بغيابك
يومين وراح أفوق
من ظلمك و عذابك
إبتدى يخف الشوق
وأنسى كل أسبابك
القلب قرب يفوق
وراح يهجر أعتابك
غلطتي عشقت الغدر
وتجاهلت أحباب
حسبتك لي فجر
طلعتي لي سراب
تحسبين راح أحتضر
لا خيالك كذاب
ولا راح أقول للقدر
غير لي الكتاب
الصبر مفتاح الفرج
وأنا من الصبر إرتويت
عطاني من علمه نهج
خلاني للجرح أحتويت
القلب خلاص نضج
ونسى باللي مريت
من درسك قد خرج
وتعلمت إشلون أنكويت
علمتني الحياة إشلون
وإشلون أقدر أقاوم
لغدرك أنا ممنون
خرجت من حبك سالم
علمتني كيف أكون
لو إلتقيت بظالم
أنساه لو مين يكون
و أعيش بدنيتي غانم
صائغ القوافي الشاعر
فهد بن عبدالله الصويغ
4-9-2016
ساحة النقاش