عيون خلي
عيون خلي أصابت القلب بزلزال
خلت الروح تسأل ويش ها الجمال
فتنة ربي عطاه كمال الحسن
كامل بالزين ولا تلقى مثله كمال
خفة ورقة و طبعة متجمل بالدلال
والجمال بعده ينقصه الف مكيال
الف من الحراس يحرسونه بحصن
ويمنعون الحاسد عنه من الوصال
ما عرفت الحسن لين شفت الغزال
ماشي على هونه و الورد عليه مال
يثيرك بجماله و العود للبان غصن
ما ينشبع منه ولا بيه أي إختلال
عطره العود وشعره للقلب إحتلال
مقدر أسلاه وهو للحسن شلال
عايش بقصره و اشعل بقلبي الفتن
كل من شافه أربكة زين الخصال
ممشاه القمر فوق جبال و تلال
كل ما أشوفه تتجدد فيني الأمال
من نظرة عيونه يروح كل الحزن
الجواهر ملبسه كأنها عليه سربال
مين يعاوني ويقدم عني سؤال
إشلون لا مشى تهتز تحته جبال
الحزن قاتلني و غابني غبن
لمين يا زين مكتوب ها الجمال
صائغ القوافي الشاعر
فهد بن عبدالله الصويغ
3-9-2016
ساحة النقاش