رفعـتك للسما
دري ويش خطاي بدنيتي
خطاي إني عرفتك و أغليتك
رفعتك للسما و خليتك ضحكتي
واليوم من فوق السما رميتك
بعد اللي جرى منك أصلح غلطتي
أرجعك لدنياك تعرف وين لقيتك
إرجع لأيامك وإنسى إنك قصتي
لجل تعرف إشلون بقلبي راعيتك
مالك أمان غدار شوهت سيرتي
وأنا اللي من عرفتك داريتك
الخداع طبعك وفي فراقك عزتي
ما علي فيك دام إني تخطيتك
الف قناع بوجهك دايم ترتدي
واليوم أعلن للكون إني تحديتك
البعد عنك هو غايتي و منيتي
وليتك ما تنسى إني قد نسيتك
صائغ القوافي الشاعر
فهد بن عبدالله الصويغ
3-9-2016
ساحة النقاش