لوحدك إنت
لوحدك إنت عايش بخيالي
تسهر ليلي و مشغول بك حالي
أفكر بيك في أيامي اللي راحت
وأقول إمتى يا قمر تصفالي
تجيني و تفكرني بأيامك الحلوة
تسهر وتغنيلي بجمالك كم غنوة
الاقي العصافير هي كمان فاتت
و أقعد لوحديا مجبور ع الخلوة
كل الحبايب إثنين إثنين
وأنا لوحديا بقالي شهرين
كل القلوب غيري إرتاحت
وأنا في الحب تعبان و حزين
ياما قلوب عايشة و متهنية
وقلبي يا حبيبي محتاج توصية
الوردة اللي جبتهالي بعد مافاحت
دبلت و محتاجة يا عمري للمية
صورتك في خيالي ديمآ ملزماني
هزت لي كياني ياحبيبي وحشاني
حتى الدمعه من فراقك ساحت
خايف ليكون قلبك نساني
إبعتلي جواب فيه وردة حمره
دا القلب بغيابك بقى حتة جمره
إبعتلي وقول ليه النجوم باخت
وإزيك إنتي يا حلوة يا سمره
سلم عليا و إسأل وحشني سلامك
ووحشني صوتك ونغمة كلامك
إبعتلي وقول ليه الطيور ناحت
من بعد الغياب و فين غرامك
صائغ القوافي الشاعر
فهد بن عبدالله الصويغ
27-8-2016
ساحة النقاش