مع السلامة

مع السلامة

مع السلامة و القلب داعيلك 
تروح وترد يا قلبي بالسلامة
لا تطول بالغياب على قليبك
وإنت للقلب دايم نور ظلامة 
كلمني ولا تبخل على حبيبك
وهني الروح بالحب و غرامة

إحييني حبيبي يوماتي بإتصال 
ولا تخلي البعد ينسيك أحبابك
طمني عليك في طريق الترحال
وخلني يا قمر دايم على بالك 
صوتك يزود في روحي الوصال
وتخلي الروح تشهد على غرامك

تسافر و ترجع يا عمري بالغرام
والقلب يدعيلك ترد لي سالم 
لا تطول الغيبة إرجع لي قوام 
لا تخلي القلب من بعدك هايم 
مشتاق لك قبل غربة الأيام 
إشلون لو غبت و تركتني حايم

راح توحشني يا هنايا عيونك 
وإنتظارك من الأن يطول الليالي
ترد لي يا غلاي لقلب يصونك 
وترجع الفرحة في سماي تلالي 
تروح وترد يا عمري لمظنونك
بالسلامة يا عشق قلبي الغالي

صائغ القوافي الشاعر 
فهد بن عبدالله الصويغ