الخطأ مو خطاك

الخطأ مو خطاك

الخطأ بالحب تراه مو خطاك
الخطأ من أول كان خطاي
حبيتك بقلب يعشقك و يهواك 
و من حبك إزداد فيه شقاي
كل ما أقول أبي يوم أنساك 
يزداد حبك بقلبي و يزداد بلاي
بليتني بالحب من كثر بلواك
وذوبتني بحبك مثل سكر بشاي
من علمك الجفا والهجر يا ملاك 
ولا ذاه طبعك تغرقني بلا ماي 
خليت قلبي يسبح ببحر غلاك
وبقلب البحر قلت لي باي باي 
ليش عذاب الجفا قول أترجاك 
ليش تركتني أنتطر وأقول جاي
سهام حبك خلت قلبي بمرماك
جرحتني بالبعد وصرت نساي
كم وعد عطيتني لجل رؤياك 
أخلفته و ضيعتني في رجاي
من يوم عشقتك وأنا أتحراك 
ضاع العمر ولا عشت هواي
إن كنت ثقلان ترى ثقلك هلاك 
وصار الموت من بعدك مبتغاي 
ليه يا زين ليه تحرجني معاك 
وتخلني أصير بين الناس شكاي 
جرح الجفا نار تحرق من هواك
ليه العذاب بالجفا يا نور محياي

صائغ القوافي الشاعر 
فهد بن عبدالله الصويغ