موال الحب

بين النهار والليل 
سهران وقلبي عليل
لا عرفت أداوي حالي
ولا سكت من المواويل

خرجت ادور على قلبي
ماشفتش غير الويل
توهت وتاه دربي
وتاه معايا الليل

القمر سهران لوحده
وعشاق الليل بيوعدوا 
تعبت من قولت اه
وقلبي مالقاش وعده

رحت لطبيب الهوى أسأل
قالي حالك عجيب 
عايش دنيتك لوحدك
وقلبك محتاج حبيب

نزلت دمعتي على خدي
قلت له حبيبي هجرني
شاف بقلبي مرارة
قالي يمكن عليك بيتقل

خرجت أدور عليه بدمعي
وأسأل ليلي بطوله
لقيته ماشي معدي 
وبيقول ياناس قولوله

قولوله إني بحبه
خلوه مره يجيني
تعبني هجر قلبه 
ياريت بس يلاقيني

وقفت قدامه بتألم
قالي وليه العذاب
بتهجرني ليه ياحبي
وقلب بحبك داب

قلت له مش قلت سيبني
ومش عايز تشوفني
بص ليا وإتبسم بوشي
قالي حبيبك كداب

دنا بعدك كان مجنني
والبعد من غير أسباب
ليه بس ياقلبي تألمني 
دي دنيتي من غيرك سراب

مال عليا بحضنه
والورد وياه مال
قالي إوعى تسيبني
دنا قلبي إليك ميال

صائغ القوافي الشاعر 
فهد بن عبدالله الصويغ