قضاة الحب
جايكم يا قضاة الحب و قلبي عليل
وصفولي علاج للحب ما يكون مستحيل
قلولي اشلون قلبي يرتاح ليلة
عاشق يا قضاة الحب لعيونه الكحيلة
عطوني الوصف وعالجوا لي قلبي
من الحب صرت ماشي مضيع دربي
قالوا يا مسكين مالك دوى عندنا
كلنا مساكين و العشق ضيع دربنا
روح إسأل طبيب الغرام عن حالك
يمكن تلاقي حل وتتغير أحوالك
وأنا جيتك يا طبيب ليتك تساعدني
العشق عذاب وناره بالقلب تحرقني
قولي يا طبيب إشلون تقدر تداويني
ليتك تريحني وتخفف دمع عيني
قالي يا عاشق مالك دوى عندي
بالعشق أنا غارق واللي عندك عندي
روح إسأل أهل الغرام يمكن يفدونك
ويمكن يجي يوم يخف دمع عيونك
قلت يا طبيب الغرام الدمع يهون
لكن عذاب الحب بالقلب مجنون
أنا اليوم يا أهل الغرام على بابكم
أسأل إشلون قدرتوا على احبابكم
قالوا يا مجنون من قال يوم قدرنا
الحب قدر القلوب ووحده اللي قهرنا
خلك هنا جالس ببحر الغرام مستني
يمكن يجي يوم و تبات متهني
صائغ القوافي الشاعر
فهد بن عبدالله الصويغ
ساحة النقاش