حبدل دنيتي بالأحلام

حبدل دنيتي بالأحلام

إسمحيلي ... من سنين
قلبي يحبك
وحبك بقلبي ابتدى
من خجلك و من سلامك
من همسك و من كلامك
من سنين حبك إبتدى

راح أحبك ولو
كان بأحلامي
وأخلي أحلامي هي أيامي
راح أغير الحقيقة بالخيال
وأعيش معاك كل الجمال
مدام بدنيتي صعبة ومحال

تسمحي لي
أو ماتسمحي
بكل أحلامي راح أشوفك
وراح أعيش أوقاتي بحروفك
بصوتك بضحكك بغرامك
بكل محبتك و معاهم هيامك

طيفك يجيني
وياخدني معاه
كل ليلة يلاقيني
وأحلى صوت غناه
وإتخيلي كيف يهنيني
وأنا البي نداه

راح أعيش وياك
غصب عنك
وإن رفضتي
ما علي منك
ماهمني بدنيتك تزعلين
دامك معاي بحلمي تجين

حخلي حلمي هو دنيتي
و دنيتي هي الأحلام
راح أعيش وياك قصتي
وأخلي دنيتك أوهام
راح أبدل بالكون طبيعتي
وبين أحضانك أعيش بسلام

بحلمي راح أعلي ضحكتي
ونخلي القمر ما ينام
وحتكوني إنتي نجمتي
في دنيا الغرام
وأنسى انك منيتي
بدنيا الهوى والأيام

صائغ القوافي الشاعر
فهد بن عبدالله الصويغ
27-12-2015