يوم من الأيام



في يوم من الأيام
كان عندي قلب
كان عايش عشانك
ماكنش يعرف الغلب

كنت كل حاجة فيه
كنت نور عينيه
كان عايش بوصالك
لحد ماقسيت عليه

كان بيحلم حلم كبير
إنه يبقى ساكن قلبك
كنت بالنسباله أمير
تحكم فيه بحبك

في يوم من الأيام
كان بيسهرني ويا القمر
ولا كانش بيشبع سهر
بيفكر فيك يابو قلب حجر

جرحته بهجرك وحرمانه
من قربك ولياليك
قتلته بظلمك وهجرانه
وهو كان مخلوق ليك

جي دلوقت تعتذر
طب ليه ماكان مابين إيديك
بعد مامات يابو قلب هجر
جي تبكي بدمع عينيك

طب قولي أحيهولك آزاي
وآنت أسباب موته
ولا أصالحهولك إزاي
وانت كان عاجبك سكوته

لو كان ينفع كنت أقولك
بس ياخسارة مابقاش ينفع
دا اللي بيموت مابيرجعشي
ولا شكوته يوم توصلك


صائغ القوافي الشاعر
فهد بن عبدالله الصويغ