جارى التحميل
استخدم زر ESC أو رجوع للعودة
علميني إشلون أكون
علميني إشلون و ياليتك تعلميني
علميني إشلون أنسى علميني إشلون أكون
علميني إشلون أبيع وأغدر اعز أحبابي
وإشلون أكون أناني مثلك و إشلون أخون
علميني الغدر والجرح و إشلون أسد بابي
وإشلون أحرق قلوب و املا الدمع بالعيون
علميني أكون مثلك بلا قلب مغرور بشبابي
وإن العهد كلمة مالها مكان بها الكون
علميني إشلون أكذب على من جا لأعتابي
وإشلون أخدعة بكلام الحب الحنون
علميني وراح أسجل كل حرف بكتابي
لجل أكون خاين مثلك وغدار وملعون
علميني إشلون أبيع أحبابي و أصحابي
ومن وفا منهم أغدره و أقول مجنون
علميني أخذ ولا أعطي و أكون ضبابي
ليتك تعلميني و أكون شاكر و ممنون
علميني إشلون أتعلق بقمم سحابي
ولا جاني الطوفان أهرب قبل لا يدرون
علميني إشلون أحرق قلوب تعشق ترابي
وآشلون أغدرهم وهم أبد ما يحسون
بسرعة علميني قبل أرجع ثاني لصوابي
لجل اعيش فتان بين الخلق لا مفتون
هذا رجاي كتبته بدمي فوق كتابي
ماعاد للخلق مكان بفؤادي وأنا مطعون
هزمتيني بغدرك و دمرتي كل إعجابي
عساني بس أقدر أتعلم الغدر إشلون
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش