مجلة بشرى الأدبية الأليكترونية – الشاعر والأديب الكبير / صائغ القوافي - قصيدة : غريبة

 غريبة 


غريبة مني مصدق
إشلون قدرت تنسى
خليتني ماعاد أفرق
آشلون تحب وتقسى

رفعتني بكلامك للنجوم
واليوم ترميني بكلامك
ببحر ضياك كنت أعوم
واليوم أعمتني بظلامك

غريبة كل تصرفاتك
كأنك إنسان ثاني
ماهي عيونك ولا بسماتك
إنت غير إنت أناني

لمسة إيدينك تغيرت
ونظرتك صارت غريبة
نبضات قلبك تبعثرت
وحالتك صارت عجيبة

ما أقدر أجبرك تحبني
ولا أقدر اتثاقل عليك
البارحة كنت تودني
واليوم ذبحتني بإيديك

مني مصدق عيوني
كأني أحلم بكابوس
ولا خطر بظنوني
لأني بيك مهووس

غريبة ويش جرالك
خلاك تنسى اللي بيننا
مين غير أحوالك
وخلاك بلحظة تبيعنا

الوقت معاك كان دنيتي
ليه تحرمني منك
ليه تنهي فرحتي
وتغير بيا ظنك

ما أقدر أجبرك علي
ولا أقدر يوم أغصبك
ياشمس عمري والفيء
عمري ما أقدر أظلمك

مع السلامة حبيبي
ربي يصبرني فى بعدك
يا زهر روحي وطيبي
العمر توقف بعدك



صائغ القوافي