نار الإشتياق 


إشتقت لك يا زين
من طول فرقاك
بغيبتك دمعت العين
وكل حين أتحراك
أيامك كأنها سنين
وغيبتك صارت هلاك
جبت القساوة منين
وأنا شايفك ملاك
قهرتني بلا معين
وأحرقت قلبي بهواك
إشلون بس تلين
وإشلون قلبي يسلاك
إنت زين المحبين
والقلب كله معاك
متع ناظري بنظرتين
ولا تبخل أترجاك
يا دواء قلبي الحزين
لا تختبر مني غلاك
خدعتني برحيل يومين
وتركتني أحوم بحماك
سألت عليك عاشقين
قالوا حبيبك تخطاك
شمت بي الحاسدين
وخليتني أنطر لقاك
هجرتني ورحت وين
وليه نسيت وعدك ذاك
جرحتني بعهد دين
والجرح صار عذره هواك
بغيبتك تركتني للأنين
وطعنتني بشوق محياك
أه يا لوعة المحبين
وأه من عشق ما نساك
صائغ القوافي