العمر بيجري 



العمر يا خلق من أيامنا بيجري
لا فارقه معاه ميلادي و لا هجري
أيام و ليالي و سنين بتعدي
واللي فات منها حلم جميل وردي
كل اللي فاكرينه منها شوية ذكريات
يا حب يا ألم يا ضحكة و يا أهات
لا نقدر نوقف الأيام ولو ثواني
ولا عقارب الساعة تلف و ترجع تاني
الفرح في العمر ساعات وألألم سنين
والمحظوظ بيفرح أيام زيادة حبتين
دورت في الكتب على راحة البال
وسألت العارفين و العالمين بالحال
قالوا مالك غير حضن ربك الواحد
اللي عنده الفرج رازق الوفي والجاحد
إسمه العدل حكيم الكون و خلاقه
رب العباد اللي عمره مانسي عباده
روحله وراح تلقى السعادة معاه
ربك كريم و لا صعب عليك تلقاه
ليل ونهار مادد إيده للي يرجعله يوم
ولا حتلقى في قربه يوم محروم
كريم وعطاياه فاقت كل الحدود
عظيم ربك ملأ بنوره كل الوجود
طاطيت راسي وقلت ياربي سامحني
نسيت إنك خالقني وذنبي جارحني
أسألك يارب غفرانك وعفو الذنوب
وأنا جيتك ياربي وإليك أتوب
ضعت في الدنيا ولهو الحياة
و نسيت ساعات الرجا والمناجاة
بحق جاه حبيبك النبي محمد
تطهر قلبي الغافل وتحشرني مع أحمد
أنا بجاه حبيبك المصطفى أتوسل
تغفر ذنوبي و ترجعني كما الأول
بعدد خلقك يا رحيم أستغفر لذنوبي
و قلت للنفس السعادة لو تتوبي


صائغ القوافي




 

fahadalsuwaigh

مرحبآ بك بمجلة بشرى الأدبية الإلكترونية Bouchra Electronic Literary Magazine

  • Currently 0/5 Stars.
  • 1 2 3 4 5
0 تصويتات / 16 مشاهدة
نشرت فى 2 مايو 2020 بواسطة fahadalsuwaigh

ساحة النقاش

مجلة بشرى الأدبية الإلكترونية 99

fahadalsuwaigh
مجلة أدبية ثقافية تهتم بالشعر الفصيح المعاصر و القديم , وتهتم بتقديم أجمل القصائد الغزلية والوطنية والدينية وقصائد المديح النبوي الشريف . »

ابحث

تسجيل الدخول

عدد زيارات الموقع

39,179