جارى التحميل
استخدم زر ESC أو رجوع للعودة
يا قلب أرجوك
يا قلب أرجوك خف شوي بصيحاتك
فضحتني وانت تصيح دوم تناديها
أدري إنك وقعت فيها بكثر أهاتك
بس إشلون تبيني أروح الاقيها
وحدي مقدر شوي أنتظر لو جاتك
قول كل اللي تبيه يوم تلتقيها
خلك وقور و تحمل شوي أناتك
يمكن تجيك و بغرامك تحييها
أدري فتنة أوقف شوي دمعاتك
وأدري إن الحسن مخلوق بس ليها
تراك خبلتني يا قلب بكثر رناتك
ولا أدري إشلون أقدر بس أجاريها
الطول باسق تعدى كل خيالاتك
وسحاب السما تعدى تحت مراويها
الشعر حرير بسواد فاق ليلاتك
مسدول على أكتافها ستارة ليها
عيونها الله أكبر على شوفاتك
مدري إشلون قدرت بينهم تلاقيها
بين الخلايق فرزتها بإختياراتك
وخلاك الخصر تغرق بكل مابيها
مجنونة جمال و إنت بنظراتك
خليتها لك يا قلب قمر بلياليها
الصدر موج البحر ترى بيها مماتك
لو تفكر يوم تعوم لجل تجاريها
جمالها تصيح منه جبال بدقاتك
سبحان من خلقها وبالأرض ممشيها
أصبر لين تجيك ولا تغير صفاتك
أثقل ولا تراك ياقلب رحت فيها
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش