اغنية كلمات الشاعر عبد الهادى الشعراوى

انا مش بتسلى
ولا دى اشتغالات
انا قلبى كبير
وكتير بيبات
مهموم وحزين
مستنى حنين
يزرع جواه
الفرح سنين

لو شفتى عيونى
حضناها جفونى
والشوق جواها
هتلبى عيونى
وتمدى ايديك
تحضن وتسلم
وتقولى تعالى
كحلى عيونى
اسكن جوايا
دا القرب هوايا
دا الحضن كفايه
ياكل منايا
دفينى وقوم
دا جفانى النوم
انا ليلى طويل
والشوق جوايا
انا مش هتكلم
ولا يوم هتظلم
لو رحت بعيد
من غير ماتسلم
أنا هشكى لحالى
ولحزنى هدارى
واصبر على جرحى
ولآهى هكمم
هتقول دى ظنون
هتقول مجنون
انا مش هتكلم
ولا عمرى هكون
واسكت وهروح
م اطرح م اروح
وهتفضل ليلى
وافضل مجنون
وان جتنى هغنى
وهعيش متهنى
وهقول للعالم
هو اللى شاغلنى
صح الاشواق
والقلب اهو راق
دا معدش فى يوم
هيبعد عنى