بتكلم النهارده عن بطل
مش بطل بس كلام
.
بطل بيرسم ضحكة بنت حلوه
وتفكيرها فى فارس الاحلام
.
ويوصف شقاوة راجل جدع وتفكيره
فى حبيبته قبل ما ينام
.
بتكلم عن بطل لكل الازمان
ممنعوش سجن السجان
بتكلم عن بطل عاش وحيد كأنه
من من الايتام
.

.
بقول انه عاش فى صوت ام كلثوم وعبد الحليم
وعاش برضه فى ورق الابنودى
وعاش مع كل علم من الاعلام
.
بتكلم عن عبله وعن عنتر
بتكلم عن شعر كان بيفجر
الحب من قلوبهم زى البركان
بتكلم عن دم بينزل من الاقلام
.

.
البطل اللى هز عروش الممالك
وبصراحه مشوفتش زى ابن مالك
اللى فى كل بيت وكل حاره بيوصف فى حالك
سامع نبضه موقفش
مع الايام
.
بتكلم عن البطل اللى كله بحور
سبع بحور فى الشعر تترص فى سطور
وشايفه فى بلدى ممنوع يشوف النور
وشايفه فى حته بيهدم قصور
شايفه عاش فى كل العصور
شايفه راجل جدع اوى وتمام

.
شوفته فى حسان بن ثابت
نبضه عالى وقلبه ثابت
يوصف حال النبى
ويتغنى بحلاوة االاسلام
.
شوفته فى ابى بكر وعمرو
وكان اشعرهم على بيسمعنا
قصايد فى الهجاء
وشوفته موهبه مش محتاجه لعلام
..
.
البطل ده ملهوش صوره فى الميادين
وهيفضل عايش ليوم الدين
بطلنا حضر حكايات كل العاشقين
وكان واقف جنب كل المعشوقين
هتعشق البطل ده
لو سمعته فى قصيده لابى تمام
.
عرفت انه قوى لما مات المتنبى عشانه
وانه بيروى فى غيط الحب عيدانه
وانه لو ثوره قامت اول واحد واقف جوه ميدانه
ولو السلميه عاشت فى وطن
بشوفه سرب حمام
..
بتكلم عن عم فؤاد هو وابياته
ووصفه لليله وحكياته
وعن شوقى فى عزالبرد
وهو بيوصف حال الانام