ليه لما اتنين يسيبوا بعض بيقولوا لبعض (خلينا اصحاب)؟

و يمكن بعد كدة يشوفوا بعض كل واحد فيهم يودي وشه الناحيه التانيه و يعملوا قال ما شافوش بعض

طب ليه م الأول تقولوا خلينا اصحاب يعني ليه الكلمة دي بقت تتقال بدل

(كل واحد يروح لحاله و ربنا يوفقك)؟؟

يللا مش مشكله مش هو ده اللي

اللي عايز اقوله لو ان فعلا انتوا بقيتوا اصحاب ايه حايبقى الوضع 00 دي مشكله

كبييييييرة جدا ما نستهونش بيها نفرض مثلا ان في اتنين كانوا بيحبوا بعض جدا

و القدر حتم عليهم انهم يسيبوا بعض لأي سبب يعني على رأي عامر منيب

(قلبي كان عايزك معاه0كان مناه تفضل في حضنه0بس مارضتش الحياه)

حانفرض انك و الطرف التاني اصحاب بقالكم سنه أو اتنين و بعدين حصل

ارتباط بعد السنتين صداقة دول و حصل ان القدر حتم عليكم انكم تسيبوا بعض من غير

(خيانه من أحد الطرفين أو قله أصل) راح حبيبك قالك

(ارجع بحياتك لحد اللحظة اللي قولتلك فيها بحبك و نبقى اصحاب زي ما كونا)

مش قادر اقولكم المشكله اللي انت داخل عليها عامله ازاي يقوم حد يقولي ليه؟ فين المشكله انتوا كدة

يا الشعب المصري علطول بتعملوا من الحبه قبه 00طيب تخيل معايا كدة انتوا كنتوا اصحاب و كل يوم

مكالمة علطول علطول بتكلموا بعض و بتهرجوا و تروحوا و تيجوا سوا اصحاب بقة راحت العلاقة اللي

بينكم اتطورت و طلعتوا السلم و ارتبطتوا و العلاقة اللي بينكم زادت و الحب اللي بينكم بقة اكبر و اكبر

و عمالين تطلعوا السلم سوا خلاص بقة كل حاجة في حياتك مرة واحدة كل حاجة انتهت ما بينكم ده انت

ما نزلتش السلم حبه حبه ده انت وقعت على كل السلالم اللي انت طلعتها مرة واحدة و رجلك اتكسرت و

بعدين اتفقتوا انكم ترجعوا اصحاب تاني طب ازاي ؟ في حد رجله مكسورة يطلع السلم مش حاتقدر 00

طب ليه انا بقول كدة لانك لو انت فعلا حاترجع علاقة الصداقة الللي كانت بينكم تاني مش قادر اقولكم

كميه العذاب اللي هتبقى فيك يعني انت اصلا مخنوق و مش طايق نفسك علشان العلاقة اللي بينكم

انتهت و كمان حايبقى صوت حبيبك في ودانك كل يوم و بتكلمه و بتهزروا ؟؟؟ ازاي ؟؟ مش حاتقدر

تستحمل انك تتعامل معاه على ان هو صاحبك تاني هتحس انك مدايق هتحس انك متقيد,

كل حاجة مقيدة فيك كلامك و مشاعرك و نظراتك تبقى عايز تقوله يا حبيبي و مش حاتقدر,

حاتبقى عايز تعبرله عن المشاعر اللي جواك من ناحيته و برده مش حاتقدر,,

بقى اصعب من الحب اللي من طرف واحد0

0طب تخيل كدة انكم فضلتوا فعلا اصحاب و بعدين هو ارتبط ما انتوا اصحاب بقة

يعني تخيل الصدمه اللي انت هتبقى فيها اصل طول ما هو صوته في ودنك و بتتكلم

معاه حاتتعلق بيه اكتر المفروض انك تسيب لنفسك فرصة علشان

تنسى مش تعلق قلبك و مشاعرك بيه اكتر بانكم تبقوا اصحاب 00

تخيل ان المفروض انك بعد ما تسمع خبر ارتباطه تترسم على وشك ابتسامه

و تقوله مبروك و عقبال ما نفرح بيك في بيتك

( و من غير ما تدمع و لا عينيك تبين انها زعلانه) 00 الموقف صعب جدا

تقوم ناس تقولك انت مدايق نفسك ليه كدة ما انتوا كنتوا اصحاب من الأول يعني عادي

يا جماعة ازاي عادي هما فعلا كانوا اصحاب بس الصداقة اللي بينهم دي انتهت

بان هما ارتبطوا و كل واحد قال للتاني بحبك دلوقتي الموضوع اختلف دلوقتي

كل طرف عمال يتخيل التاني بيقول لواحد تاني غيره بحبك

اكتر حاجة حاتدايقه مش انه حبيبه حاينساه لأ اللي حايدايقه

ان اللي كان بينهم حايبقى بين حبيبه و بين حد تاني غيره<!--sizec--><!--/sizec-->