فضيحة جديدة بالمدرسة الحديثة الاعدادية للبنات بدمنهور :
--------------------------------------------------
الاخصائية الاجتماعية بالحديثة بنات بدمنهور تجبر تلميذتين - بينهما واحدة مريضة - على خلع البنطلون بحوش المدرسة يوم الاثتين الماضى الموافق 17 اكتوبر الجاري بعد ضياع الموبايل الخاص بزميلتهم فى الفصل .. الخلع ما جابش نتيجة والفاعلة المجهولة ألقت بالمحمول تحت الترابيزة ..................... هما البنات رايحين يتعلموا يا ميس نبيلة .... وللا يتبهدلوا ع الفاضى ؟؟؟؟
- معاكسة البنات على سور المدرسة ربما لا تهم القائمين على العمل بالمدرسة الحديثة للبنات بدمنهور . قفز الاولاد من فوق سور المدرسة لايهم احد .. عربة بيضاء بدون ارقام تنتظر بعض البنات كل يوم الساعة الرابعة عصراً عند خروج المدرسة لتبدآ حصص دروس خصوصية فى الغرام ... لايهم أحد
...دخول التلميذات بالموبايل فى فصول التعليم عادى .. تفتيش البنات دون أدلة اتهام واجبارهم على خلع البنطلونات فى حوش المدرسة عادى .. طابور مدرسة تحت لفح الشمس كل يوم الساعة 12 ظهراً لمدة حوالى ساعة تقريباً لما البنات تدوخ فى الشمس برضو عادى ..
يدوخوا .. يتعاكسوا ... يركبوا عربيات .. يمشوا مع ولاد او يعملوا راندى فو .. او ... او .. يقلعوا البنطلونات فى الحوش برضو عادى ...
كل شئ فى المدرسة الحديثة للبنات بدمنهور أصبح ( عادى وعادي جداً كمان ) .... الا شئ واحد فقط وهو دور التوجيه والتربية والتعليم .... دورالمعلم ودور المدرسة ...للأسف ....
....... أصبح هو المستحيل !
ساحة النقاش