هل تعلم أن السمكة كائن حي ؟!!..

Magdy Elghedany

tS4ponsothoreed · هل تعلم أن السمكة كائن حي ؟!!انا مش بستظرف علي فكرة بسؤالي و لا دي ألشة...أنا بجد بفكرك ان الاسماك كائنات حية علي فكرة و بالتالي مفيش مبرر منطقي انك تشوي سمكة و هي حية و تتنطط قدامك ع الشواية !حضرتك انت بتشويها حية !! حضرتك انت بتعذبها بالنار حتي الموت !و الكابوريا و الجمبري اللي حضرتك بتحطهم في مية مغلية و هم لسه فيهم الروح ....واخد بالك انت بتعمل فيهم ايه !! الكائنات دي بتتألم زينا....يا ريت نبقي رحماء و احنا بنتعامل مع أي روح.أحب بس أقول لكم معلومة: مفيش حيوان مفترس بيأكل فريسته حية.. لازم بيموتها بطريقة احترافية مفيهاش تعذيب....لأن غرضه منها ببساطة هو ان دي طعامه....مش هيتشطر عليها يعني و يشوفها بتتعذب قدامه.فمن باب أولي اننا كبشر نبقي عندنا رحمة و منطق في التعامل مع الكائنات اللي بنتغذي عليها.يا ريت نعرف الناس و نفكرهم....لعله في ميزان حسناتكم د./مجدي الغيضاني