الدايت هو حل لكل مشاكلك!

بتقف قدام المراية بتلاقي وزنك زايد وفي دهون مترهلة في الجوانب، فبتقرر تبدأ دايت وفي خلال الفترة اللي بيكون فيها الأكل مظبوط وصحي، بتلاحظ نفسك بقيت أخف، مفيش احساس بالإمساك، حالة الخمول اللي عندك مابقتش موجودة، وغير كل دا مستوى السكر في الدم بقى في أحسن حالاته، ومابقتش بتعاني من مرض السكر زي الأول!

في الحقيقة الفوائد اللي بناخدها من الدايت، أكبر بكتير من شكل جسم متناسق وثقة في النفس عالية، الفوائد الصحية هي الأهم ودا اللي فعلاً بيفرق في شكلك ومظهرك، ودا اللي ناس كتير خصوصاً من أصحاب الأمراض المزمنة اللي بيلاحظوه لما يتبعوا نظام غذائي.

وطبعاً الجملة الأشهر اللي بيقولها الدكاترة " اهتم بأكلك وامنع سكر وبطل تاكل أكلات دسمه ودهون " !

لو بقالك فترة كبيرة بتعاني من مرض مزمن ومهما أخدت من أدوية وروحت لدكاترة ومفيش نتيجة، جرب تمشي على نظام دايت مناسب لحالتك الصحية وفعلاً هتلاقي نتيجة مُبهرة وهتقدر تتعايش مع المرض بكل سلس وتمارس حياتك بشكل طبيعي بسهولة.

وطبعا كل دة بيحصل بالمتابعة مع دكتور متخصص اللي بيقدر يعرف 

1- حالتك الصحية، وإيه هي الأمراض المزمنة اللي بتعاني منها؟

2- إيه نوع الأدوية اللي بتاخدها؟

3- هل عندك القدرة أنك تلعب رياضة أو تنزل جيم؟

4- يعرف قصتك وليه عاوز تبدأ دايت وإيه هي أهدافك؟

5- وأهم نقطة أنه يعرف إيه الأسباب اللي بتخليك توقف دايت؟

6- يفهم منك طبيعة جسمك وإيه اللايف ستايل بتاع حياتك

7- يشوف أنت بتشتغل كام ساعة في اليوم وإيه طبيعة شغلك؟

وبدوره يقدر دكتور التغذية يوصلك لأفضل حالة صحية في المقام الأول واللي بالتأكيد هتكون نتيجته أن جسمك يكون في أحسن شكل.

ودا هيكون في خلال رحلة مميزة  ومناسب ليك، هيكون مسؤول عن:

1-  تقييم لحالتك بشكل شامل لفهم الحالة الصحية والاحتياجات الغذائية للعناصر، وبيستفسر الدكتور عن تاريخ الأمراض السابقة أو المزمنة، أو في مشكلة صحية ليها علاقة بالتغذية حساسية الطعام أو اضطرابات هضمية، وتاريخ أي عمليات جراحية سابقة لأن كل الحاجات دي بتؤثر على احتياجات الجسم للغذاء.

وكمان مهم يكون على اطلاع على العوامل النفسية والاجتماعية، علشان ليها تأثير كبير عل العادات الغذائية.

2-إعداد خطة غذائية مُخصصة:

دكتور التغذية العلاجية مهمته بتبدأ في المرحلة دي، فبعد ما يجمع عنك كل المعلومات والتحليلات اللازمة وبيشوف احتياجاتك الغذائية من عناصر الطعام الأساسية زي البروتينات والكربوهيدرات والدهون والفيتامينات والمعادن.

بيصمم لك نظام غذائي شامل فيه توازن صحي بين جميع المجموعات الغذائية، والأهم أن النظام بيكون في تكامل بين العلاج الغذائي مع العلاج الطبي، من خلال دمج الخطة الغذائية بشكل سلس مع أي علاج طبي، علشان  يعزز فعالية العلاج الشامل وتقدر تعيش حياتك بشكل طبيعي من غير مشاكل.

3- متابعة التغييرات في الحالة الصحية:

المتابعة مهمة جداً لأن الدكتور بيقوم بمراقبة وتحليل أي تغير ممكن يحصل لصحتك في خلال فترة الدايت، ودا بيحصل من خلال أنه بيحلل كيفية الاستجابة للنظام الغذائي ومتابعة التغيرات في المؤشرات الحيوية زي ضغط الدم، ومستويات السكر في الدم، ومستويات الدهون.

بس هل التغذية العلاجية مفيدة بس لأصحاب الأمراض المزمنة؟

التغذية العلاجية ليها فوائد كتيرة جداً على صحتك، منها:

1- تحسين وظيفة الجهاز الهضمي:

تقديم نظام غذائي متوازن يساعد على تحسين وظيفة الجهاز الهضمي ويقلل من المشاكل المرتبطة بالهضم.

2- تحسين مستويات الطاقة والنشاط:

بتوفرلك التغذية العلاجية العناصر الغذائية المهمة اللي ليها دور  في تحسين مستويات الطاقة والنشاط اليومي، ودا هيخليك دايماً عندك طاقة في الشغل وهيعزز انتاجيتك جداً.

3- تحسين مستويات السكر والكولسترول:

بتساعد خطط التغذية العلاجية في تنظيم مستويات السكر في الدم والحفاظ على مستويات الكولسترول في النطاق الصحي.

4- تقليل مخاطر الأمراض المزمنة:

التغذية العلاجية ليها دور في تقليل مخاطر الأمراض المزمنة زي أمراض القلب والسكري وارتفاع ضغط الدم.

5-  تقوية الجهاز المناعي:

هتساعدك التغذية العلاجية على تقوية جهاز المناعة، وكمان ليها دور في تعزيز الاستعداد لمقاومة الأمراض ودعم عمليات الالتئام، بسبب أنك بتدخل جسمك كل العناصر الغذائية المفيدة.

6- تحسين تحمل الأغذية:

هتساعد الناس اللي بيعانوا من حساسية الطعام أو مشاكل هضمية، ودا من خلال النظام الغذائي المصمم بناءاً على تحليل ودراسة كاملة للشخص وفهم حالته الصحية.

7- دعم الشفاء بعد الإصابات أو الجراحة:

يُستخدم نهج التغذية العلاجية لتقديم دعم غذائي للجسم لتسريع عملية الشفاء بعد الإصابات أو الجراحة.

8- تحسين التوازن الهرموني:

مُمكن لخطط التغذية العلاجية أنها تُعيد التوازن الهرموني للجسم مرة تانية، ودا من خلال نظام غذائي بيحتوي على مركبات بتساعد في تحفيز إفراز معين من الهرمونات، زي بعض الأكلات بتساهم في تحفيز هرمون السيروتونين المرتبط بتحسين المزاج، وكمان هرمونات الجنس والهرمونات المستخدمة في تنظيم العمليات الحيوية في الجسم.

 نقلا عن ناشره

ابحث

بيانات التسجيل

مرحبا بك Mohamed alhalwagy» موقعى الخاص» أدوات إنشاء الموقع» بيانات التسجيل» صفحة "من نحن"» الخروج

عدد زيارات الموقع

21,412,363