الست #أنبوبه

يا ما قالونا زمان
ع القوطه و جنانها
ساعه ف كل مكان
و ساعات ما لاقينها
قوم نلتقي الانابيب
تعمل لنا ف زعابيب
متعززه علينا!!
طب مين يدفينا؟
و البرد هاجم جايّ
مال بختنا بينا
وأكلنا أكلنا نيّ
ما تترمي ف ضيقه
يا ست أنبوبه
يا حبيبتي يا شقيقه
عملوكي سبوبه
يا معمره لنا البيت
يا مولعه البوتاجاز
ليه سبتيني اترجيت
يولع وابور الجاز
عودي يا بنت الناس
تتكتكنا و الله خلاص
ووحشنا ريحة الاكل
المطبوخه باخلاص
#مصر
#منى_المنير

============

بقلم الشاعرة والمترجم/ منى المنير