هندسة الانتباه

العلوم والفنون والآداب

كلام في تربية الجاموس الحلاب يودي في داهيه وحياتك وشغل الزرايب ده كل خساره بس محدش بيحسبه !!!!

عايز تشتغل جاموس حلاب مظبوط اول حاجه تعملها هو المحلب الالي عشان تكاليف العمالة

تاني حاجه تجهز مكان مظبوط تهويه وشمس وظل مناسب والجاموس يكون مطلوق ...

ثالث حاجه هي التغذيه السليمه ودي ترجع فيها للمتخصصين عشان متقعش علي بوزك مع الجماعه النصابين اللي ماليين الدنيا ....

ترجع للاول في اختيار الجاموس ...

تنزل السوق تشتري عجلات بكاري عشر ٧ او ٨ وتحضرهم قبل الولاده وتعلمهم دخول المحلب بعد الولادة .... الجاموس الكبير مش هيخش المحلب لو بالطبل البلدي ولو واحده دخلت ١٠ مش هيدخلوا وهيبهدلوك اخر بهدله ....

بعد الولاده تبدأ في انتقاء السلالات الجيدة وتحافظ عليها والتعبانه تطلع بعد الموسم بتاعها عشر كبير وخلفها في النتايه يطلع ميقعدش وتدخل مكانها بكريه جديده ....

تبتدي تلقح الجاموس المنتخب اصناف عاليه سواء ايطالي او محلي من مركز البحوث وتبتدي تكون قطيع عالي الجودة علي ايدك ....

الخلفه الذكور كلها لا تباع ويتم الرضاعة بلبن بودرة حتي الفطام وبعدين يطلع علي وزن ٢٠٠ ك او تكمله لحم لو الظروف تسمح ....

الخلفه النتايه المنتخبة تقعد في المزرعة والمستبعدة تطلع في اي وقت بعد فطامها .....

بعد ٤ الي ٥ سنوات هيكون عندك جاموس عالي الادرار بيوصل ٢٠ ك واكثر والدنيا هتتبدي تظبط معاك جدا في المكسب بس الموضوع محتاج طوله بال لانك اول سنتين تقريبا لن تحقق ربح جيد لكن بعد كده ربنا هيكرمك وهتشوف الخير كله طول ما انت مهتم بالحيوان ومديله حقه من الرعاية والتغذية السليمة والتحصينات في مواعيدها .....

ارجو اكون شرحت الموضوع بطريقه بسيطه توصل للناس بسهوله .....

والسلام عليكم ورحمه الله وبركاته

Eng Amir Badawi

م. أمير بدوي

رابطة خبراءالانتاج الحيواني في مصروالعالم العربي علم ينتفع به

منقول من قبل :

Abokareem Yasser

أبو كريم ياسر

====================

من التعليقات المختارة على الموضوع:

====.

ليه ترضع الخلفة علي لبن بودرة

الموضوع اقتصادي عشان لبن الجاموس وتبيعه بسعر اعلى

 

 وهل اللبن البودرة جيد وكافي للجموس

ايوه وفيه لبن بودره مخصص للجاموس بس مفيش افضل من الطبيعي

 

كام سعر لبن البودرة

بيعمل ٦،٥ تقريبا

 

 

مسعد جلال Mosaad Galal:

اللي أبو مصطفي اتكلم فيه ده الواقع اللي لقينا عليه أجدادنا ومستمر في مصر الي هذه اللحظه اللي المهندس أمير أتكلم فيه ده اللي عملته إسرائيل في الجاموس البحراوي ومعتقدش حد في مصر عنده طولة بال يعمله مين في مصر حيوقف 2مليون ج سنتين يتفرج عليهم

======.

تقديم وتعليق: الكاتب والباحث/ محمود سلامه الهايشه

# اليوتيوب- كلام في تربية الجاموس الحلاب يودي في داهيه وحياتك وشغل الزرايب ده كل خساره بس محدش بيحسبه !!!!: https://youtu.be/hdVW2uqMKUU

 

# بالعلم تحيا الأمم- كلام في تربية الجاموس الحلاب يودي في داهيه وحياتك وشغل الزرايب ده كل خساره بس محدش بيحسبه !!!!: https://elhaisha.blogspot.com/2021/10/blog-post_42.html

  • Currently 0/5 Stars.
  • 1 2 3 4 5
0 تصويتات / 105 مشاهدة
نشرت فى 11 أكتوبر 2021 بواسطة elhaisha

ساحة النقاش

محمود سلامة محمود الهايشة

elhaisha
محمود سلامة الهايشة - باحث، مصور، مدون، قاص، كاتب، ناقد أدبي، منتج ومخرج أفلام تسجيلية ووثائقية، وخبير تنمية بشرية، مهندس زراعي، أخصائي إنتاج حيواني أول. - حاصل على البكالوريوس في العلوم الزراعية (شعبة الإنتاج الحيواني) - كلية الزراعة - جامعة المنصورة - مصر- العام 1999. أول شعبة الإنتاج الحيواني دفعة »

ابحث

تسجيل الدخول

عدد زيارات الموقع

2,530,329