عاعمل ايه والنوم عليا عاصى

لا نامت عيونى ولا ارتاح بالى

صبرنا والصبر رحل ما صبرنا

وماينام الليل الا اللى باله خالى

رايحه على فين يا ايامى 

ومين منى هتاخدى تاني

طول عمرك قاسيه علياوكرهانى

وليه بس انا مش فاهماكى

دموعى سطرت بيها حكاياتي

وقصايدى وروياتي

لاجفت دموعى ولا ماتت زكرياتى  

  والنوم عليا عاصى

والصبر اشتكى منى ورمانى

ف بحور حنين وشوق سنين كرهانى

واعمل ايه والنوم عليا عاصى

سنين راحت وايام كتير جيالي

وانت ياقلبى حزين ومن الوجع ليه بتعاني

تعبت واشتقت

بس ليوم ترجع فيه ابتسامتي

ويغني غنوه للحياه نبضي

دى السعاده لا عشتها ف ليلي

ولامنها نهاري قربني

بعدت وبعدت عنى مسافاتي

وشوقى ليك وداني وجابني

وقلبي اتمنى يشوف للأمل صوره ف احلامي

 

بيطوف يزرع شجر ورداته حنيه

والنوم عاصيني وكأني م الراحه منسيه

لا جفونى غمضت ولا لقيت ف الصبر مفاتيحي

واعمل ايه يا زمن وانت اللي راميني

والنوم حايلته كتير لقيته عاصيني

 

بقلمي سحر عبد القادرمحمد

عصاني النوم