بحب الرياضة آه  ....

بحبك رياضى آه ونص ........

بس إن تبقى الرياضة دى على نافوخى انا ....... نووووو

لا ممكن أبداً أسيب حقى بالشكل دى

يا عالم ...... يا هووووووووووووو ......... يرضيكوا اللى حصل بينى وبينه ؟

قاللى نفسه يتعلم رياضة قولت ماشى معترضتش ، وقولت وماله مهى الموضة اللى طالع فيها الناس السنادى قال الرياضة قال  ، ماشى ياسيدى مافيش مشكلة أهى أحسن من القعاد ع القهوة برضوا وشرب الشاى والفرجة على اللى رايح واللى جاى وأنت طبعاً عارفين والعارف لا يعرف مخاطر الخروج بره البيت للرجالة قد إيه .

المهم ..... قولت حاضر ومعترضتش

يوم فى الاسبوع رياضة ومرواح للنادى ومجى منه مافيش مشكلة أهو يوم فى الاسبوع نغير فيه جو احنا الاتنين هو يلعب وأنا أفرج عن نفسى شوية بحبة كلام مع سيدات المجتمع اللى قاعين فى كازينو النادى على ما اجوازهم وعيالهم يخلصوا التمرين .

ويوم جر يومين وتلاتة بقى التمرين تلت ايام فى الاسبوع وماله مادمت انا والعيال بنروح معاه إنشالله يا رب يكون الاسبوع كله هو أنا خسرانه حاجة دى هم حبة كلام لا راحوا ولا جم مع الستات المهذبات المحترمات بنات الاصول .

لحد هنا والامور ماشية عال العال وفجأة انقلبت كل الموازين ، ازاى ؟ أهى ازاى دى بقى عايزالها ميت موال

قال رضينا بالرياضة واللعب قال عشان تيجى تسود ليالينا ، مالنا احنا ومال " مستر كاراتيه "  ويجى أصلاً عندنا احنا ليه ؟

إيه ؟ بتقولوا إيه ؟ يختى على صوتك شوية منك ليها مش عارفة اسمعكوا كويس بتسألوا مين هو مستر كاراتيه ؟

هو فيه غيره أبو االفوارس عنترة اللى عندنا فى البيت - يوه قصدى البيه جوزى – هو فيه غيره ، هيجننا من يوم ما اتعلم الكاراتيه وحكماً ولابد لما نديلوا فى البيت نقوله " مستر كاراتيه " ودى تيجى بقى يستجرى حد فينا يقوله كلمه ولا يناديه باسم تانى يبقى يومنا أغبر .

قال عايز اتعلم رياضة قولنا ماشى وماله يا خويا اتعلم هما يعنى اللى اتعلموا أحسن منك ، قال الموضة السنادى الرياضات القتالية والدفاع عن النفس قولنا مافيش مشكلة أهى حاجة تنفعنا برضوا لو حد م الجيران اتهجم علينا ،

إنما تبقى الرياضة دى عشانا احنا فى البيت لا دى كتير قوى علينا ، ربنا مايرضاش الظلم دى .

هو انت اتعلمتها عشان تحبس حريتنا ولسانا جوه قمقم ، كله اللى دى

يا ناس مابيلحقش الواحد فينا فى البيت يتكلم إلا ويلاقى الكاراتيه شغال عمال على بطال لما خلاص اتخنقنا وقررنا أنا والعيال نروح احنا كمان النادى مش للرغى زى الأول عمال على بطال

لالالالالالالالالالالالالالا

دى عشان نتعلم احنا كمان كاراتيه عقبال عندكوا جميعا  ، عشان يوم ما يقولنا بم نقوله احنا كمان بمين أمال إيه محدش أحسن من حد وعلى رأى المثل الرياضة برضوا للجميع .