"ع " عزيمة وعدل مش بس رافعة شعار

دى سلوك وفعل بجد هو سيفك البتار

ضد الظلم يا سيادتك

تحوله فى لحظة من ليل قاسى يوجعنا فى لحظة يبقى نهار

و " د " ديمقراطى بمعنى اللفظ والكلمة

تطمن المظلوم وتعلى ميت همة

ساعة أما يبقى مابينكم نقاش جدال وحوار

و " أ " ألفة شايفاها وحاساها مع كل مين يدخلوا مكتبك

تحول الرهبة لجنينة م الأزهار

و " ل " لبيب فى الأفعال والأقوال

لكل موقف فعل ولكل فعل مقال

حروف تتوزن بالدهب تشرح تفسر ليه ؟ لو عندنا استفسار

و " ع " عنوان عمل حامل فى إيده الأمل

لكل طالب علم أو جاله طالب عمل

بوش ضاحك بشوش تقابله وباصرار

مطلبه تحققه لو ممكن بعد الرجوع للقانون

وأصحاب الشأن والشورى دى كلام مافيهش هزار

و " ز " زمامك للأمور بميزان

العدل والرحمة أساس  شريعة الرحمن

أبسط حقوق البشر مذكورة فى القرآن

محتاجة وجهة نظر زيك وتاخده قرار

و " ى " ياما يفهمنا ويسمعنا

ساعة الخلاف نلقاه يقربنا يجمعنا

يوحد القلوب فينا يدوب جبال النار

و " ب" بساطة تلاقيها فى ملامحه و حروفه

يا اللى ماشفتوش تعالى لمكتبه شوفه

ازاى يقابل الناس بمنتهى الإحساس

كأنهم منه وهو منهم لأنه بينهم ضياء ومنار

و " ص" صراحة قلب شوفناها فى جنابك

يتساوى فيها الكل أغرابك وأحبابك

فى الجد أو فى الهزار

و" ر " رأفة وحنية شفتها عندك لكل مين عندك والله بعنيه

دى حروف كتبها العقل قبل القلب فى جنابك

بحلف يمين الله بالصدق دى رؤيتى

جيتك بقدمها هدية لمحبتى

واللى هنا مش مصدق يغتابنى ويغتابك

أصل ببساطة الحكايا " حدوتة حصلت معايا "

أولها عبد العزيز وآخرها يبقى بيصار