هاتجن يا ناس نفسى أعرف فين الحق وفين أراضيه
علشان ما سياتو الريس يبقى الكل خاتم فى إيديه
قولوا حاضر واللى يعارض حتى إن كان صح هننفيه
بالذمة يا أهل الذمة دى اسمو كلام ...... طب نعمل إيه؟
كلمة حاضر بتريح قولها يريح قلبك ربك
معقولة نقول لجنابو لا غلط والحق عليه ؟
****************
هاتجن يا ناس نفسى أعرف فين الحق وفين ألقاه ؟
علشان ما نعبش جنابو ضاع الحق ما بينا وتاه
معقولة يا ننه يا نغة تعيب فى سياتو يا حول الله
دى كبيرنا لازمنا نطاطى علشان يعلى ونعلى معاه
واللى يعاند ببساطه يطلعوا عينه وألف مصيبة بتستناه
**************
هاتجن يا ناس نفسى أعرف فين الحق فى أى مكان ؟
أنا لسه ماتحولتش لسه باأعيش فى الغابة إنسان
وصراحة فى وسط زمن كداب ملعونةتبقى وقاحة وشغل جنان
معقولة تقول للى أكبر إنه غلط فى الأصغر منه
يا خى فوق بقى م الغيبوبة دنيا الحق دى كان ياما كان
أصبحنا فى عصر نفاق واللى بيحكمنا الكرسى
بأخطائه وغلطه وزيفه واللى يحاول توجيهه أكيد وضرورى يكون خسران
ساحة النقاش