(( الاستخدام السلبي والخاطيء لشبكة التواصلي الاجتماعي.... ادي الي انقلاب اجتماعي في الأسرة العربية )) ... البروفيسور الدكتور الشريف علي مهران هشام ....حضرت يوم ١٠/٦/٢٠٢١ ملتقي اهداء الثقافي...والذي ضم مجموعة من القامات الثقافية والبحثية واساتذة. التعليم والجامعة والمبدعين من الباحثين والإعلاميين والشباب المثقف الواعد ....تمحور الملتقي حو الآثار السلبية للتكنولوجيا وشبكة التواصل الاجتماعي علي المجتمع.... ذكر الباحثون والحضور الكثير من الكلمات المميزة عن أن الأسرة المصرية والعربية أصبحت في غربة وتباعد روحي وجسدي بين أفرادها ....ووصل استخدام النت بين أفراد الأسرة الي حد الإدمان ...حتي أن الأسرة الريفية والصعيدية ذات التقاليد والأعراف الموروثة من عشرات السنين مثل صلة الرحم والنسب وتبادل الزيارات في الافراح والأتراح ...يكتفي الناس الان بالعزاء برسالة قصيرة في الفيس بوك او تويتر او الواتس اب ..البقاء لله .. عموما ، بالنسبة لي فقد قدمت في الملتقي...مجموعة من التلغرافات القصيرة عن اليابان والاستخدام الإيجابي والرشيد للتكنولوجيا الحديثة والمعارف ...علي كل حال ، تخيلت قصة ..عن هذا السماء الافتراضي ..كالتالي: في منزلنا الراوتر وقع على الأرض والواي فاي فصل وتوقف عن البيت كله .
قلت خير وبركة أفك شوية من النت . زهقت ، خرجت من حجرتي وعملت لنفسي فنجان قهوة..فالوضع الان ...اخدم نفسك .. وجلست في الصالة.
شوية... ولقيت ابني خارج من أوضته ، وأول ما شافنى أحضان وقبلات وعمل بسرعة شاي وقعدنا ندردش ونفضفض شوية ....
أخبارك إيه يا بني وخطبت ولا لسه وشغال فين و..و..الخ ... راح مقاطعنى وقال : سيبك من أخبارى ،
حضرتك عامل إيه ، وأجازة النهاردة من الشغل ولا مزوغ ؟ قلت له لأ ، ده انا طلعت معاش من سنتين ، وانت فين دلوقتى؟ قاللى أنا اتخرجت... وشغال فى شركة كبيرة ..
حضرتك وحشتني... يابابا ، قلت له وانت كمان ..بس والله يا بابا شكلك متغيرش كتير عن زمان .. هي بس شوية الشعر الابيض.. .
المهم ، القعدة طولت وخرجت بنتي من أوضتها وانضمت للقعدة وبعدها خرجت أختها من أوضتها وقعدوا معانا .
بسم الله ما شاء الله ، بنتي الكبيرة اتخرجت وبتشتغل..اخبار جديدة عليا ، وآخر العنقود اللي لسه كنت مقدم لها في الجامعة بقت في السنة النهائية.
...المفاجأة الحلوة بقي لما لاقيت باب غرفة زوجتي بيزيق.. وبيفتح بالعافية..لانه دائما مقفول .. ، وشوية ولقيت مراتي في حضني وهاتك يابوس ..وعياط إنت هنا في مصر ؟ وانا معرفش؟ انا فاكراك لسه متغرب..ولسه في الخليج ..انت معاي دائما علي الفيس والواتس اب ..انا لسه باهتة لك صورة وورد وبوستر عن الدفء الأسري والتراحم الاجتماعي ..ليه قبل ما النت يفصل ..هل وصلتك ..
قلت لها أنا نهيت عقدي في الخليج من زمان وزهقت من الغربة ورجعت .. بس انتي ما شاء الله عليكي وكأن الزمن ملوش دعوة بيكي .
لسه كانت مراتي بتقترح نتغدي سوا كلنا بالمناسبة الحلوة دي ، لكن يا خسارة .. إشارة الواي فاي رجعت ، وسلمنا على بعض وكل واحد رجع أوضته.
ولسه كنت بفكر ناخد صورة جماعية لنا ، لكن إبنى قال مفيش وقت... واقترح كل واحد ياخد صورة سلفي لنفسه ويبتعها له ، وبالفوتو شوب ابني الكبير يعمل لها مونتاج وتبقى جماعية....
بالله عليكم مش دول ناس كيوت. ..ومثال للأسرة المصرية و العربية الطيبة والمغرمة ولا اقول المفرمة بالتكنولوجيا وثورة الانترنت ؟!! ربنا يلطف بعباده.... انتهي الخيال .. بس هو حقيقة موجودة للاسف في كل بيت عربي تقريبا ...في الختام تم اقتراح عدة توصيات في ملتقي الدكتورة اهداء حسين والذي عقد في قصر الأميرة خديجة في حلوان جنوب القاهرة..وهو مبني جميل معماريا والعلاقة بين الكتل البنائية والفراغات ومناسيب البناء وارتفاع المبانى متناغمة ومتجانسة ومريحة للنفس والجسد والروح والمبني يحمل عبق الماضي وحلاوته في كل شيء ...عموما ، ا.د. مني عامر أستاذة القانون الجنائي بالجامعة قالت إنه في بيتها تقفل كل التليفونات أثناء تجمع الأسرة عند الوجبات ..تقفل شبكة النت عند خروج الأسرة الي النادي أو الترويح ...لا شبكة للنت ..عند اجتماع الأسرة لأمر ما أو مناقشة موضوع ما ...قبل النوم يفضل قفل الراوتر ..ويفضل قفل التليفونات أيضا ...لما تسببه الرسائل من قطع النوم والإذعاج النفسي والبدني ...لان مراقبة الأولاد صعبة جدا وغير تربوية ومن العيب الاجتماعي التجسس علي خصوصيات الأفراد حتي لو ابناؤك ...ولكن يكفي التركيز علي التوجيه والتوعية والتثقيف ومراعاة الله في السر والعلن ..وتهذيب السلوك العام ..دينيا ..واجتماعيا وبيئيا وثقافيا ..واستخدام القناعات وليس بالإكراه ..او استخدام سيف الضغوط الأسري ...غير المستحب ... والله المستعان. ..
ساحة النقاش