الكوكسيديا احذر من يسرق مكاسب مزرعتك

اء الله سوف نتكلم عن الكوكسيديا هذا اللص الخفى الذى يسرق مكاسب مزرعتك وسوف نتعامل معه على انه عدو حقيقى وسوف نتعرف على نقاط ضعف هذا العدو حتى نستطيع ان نتغلب عليه ونهزمه ان شاء الله تعالى فلنبدا على بركه الله .

فى البدايه وقبل دخول القطيع ماذا استطيع ان افعل لكى اتلافى او اقلل من فرص الاصابه بالكوكسيديا خصوصا لو كان هناك اصابات سابقه فى الدورات السابقه .
1- ب
عد ان تتم عمليه التطهير وقبل عمليه ادخال الفرشه او النشاره داخل العنبر ليتم فرشها نقوم برش الجير المطفى على ارضيه العنبر ليقوم بامتصاص اى رطوبه او ماء قد يحدث فى الفرشه يودى الى الاصابه بالكوكسيديا .
2- فى حاله اصابات متكرره وشديده بالكوكسيديا يتم وضوع برنامج تطهير مميز هو نفس البرنامج العادى مع تزويد التالى وهو صودا كاويا فى ماء ساخن او دافى تركيز 2 % حيث ثبت علميا مدى مقاومه الطفيل لكل المطهرات العاديه ولكن الصودا الكاويا اثبتت نجاحها فى القضاء عليه وتقليل نسبته فى ارضيه العنبر لذلك يتم وضعها فى برنامج التطهير فى صوره 2 % صودا كاويه ماء سخن يتم فرده فى ارضيه العنبر ويترك لمده يوم حتى يجف .
3- التقليل من فرص بلل الفرشه خصوصا حوالين السقايات باستخدام روافع السقايات او الحوامل لمنع فرص بلل الفرشه .
4- اثناء وجود القطيع الاهتمام بتهويه العنبر جيدا وعدم تكتيمه لان تكتيم العنبر يوثر على الفرشه ويدى الى تجليدها وعند سكب اى مياه من السقايات او اثناء عملية السقى يودى الى بللها وزياده معدلات الاصابه بالكوكسيديا.
5- تقليب الفرشه باستمرار وازاله اى مواد مجلده واستبدالها بفرشه اخرى خصوصا حوالين السقايات وممكن رش الجير فى المناطق المبللوله من الفرشه ولكن لابد من تقليبها فى البداية ده بيكون واضح فى حاله العنابر التى تستخدم السقايات اليدويه ولكن فى حاله استخدام السقايات الاوتوماتيكيه او خط الحلمات نجد ان هذه ليست مشكله ولكن على الرغم من ان نظام السقايات الاوتوماتيكيه او الحلمات يقلل من فرص بلل الفرشه ولكن لابد من الحظر الشديد واللف عليها باستمرار لان اى تسريب او خلل فى السقايات قد يودى الى بلل الفرشه وايضا الى حدوث غرقات داخل العنبر.
ملحوظه هامه جدا :
نظام تقليب الفرشه لايكون ذا اهميه كبيره فى حاله دجاج التسمين لان الدوره نفسها قصيره ويتم التعامل مع الكوكسيديا من خلال برنامج وقائى واذا حدث اى بلل او غرقات داخل العنبر يتم استبدالها باخرى ولكن فى حاله البياض والامهات التى تربى على الارض يتم التقليب بصفه مستمره ويوميا للحفاظ على الفرشه لان الدوره طويله ولابد من متبعه والمحافظه عليها.

الوقايه خير من العلاج ؟
وفعلا المقوله دى مهمه جدا فى حالتنا دى خصوصا اننا بنتعامل مع عدو ممكن يبينلنا نفسه باعراض وممكن يكون لئيم ما يبينش نفسه " sub clinical coccidiosis " ويفضل ينخور فى القطيع ويدمر مصنع العلف بتاع الطائر الامعاء وبالتالى تقليل نسبه الاستفاده من الغذاء وتقليل الاوزان مما يودى الى خسائر كبيره خصوصا فى التسمين .

بالنسبه لبدارى التسمين :
1- استخدام مضاد كوكسيديا وقائى فى العلف وبشكل مستمر خلال الدوره وهناك انواع عديده ولكن هناك ما يسمى مضاد كوكسيدا من مجموعه الايونوفور ومن اشهرهم السالينومايسين وهناك ما يسمى مضاد كوكسيديا كيميائى واشهرهم الدايكلازوريل والبرنامج المتبع قد يكون استخدام مضاد كوكسيدا ايونوفور لمده دوره كامله ويتم التغيير بكيميائى فى الدوره التاليه او استخدام ايونوفور نصف الدوره وكيميائى نصف الدوره الاخرى وهذا هو النظام المتبع والافضل فى استخدامه خصوصا فى مصر لانه اثبت نجاحه وقلل معدل الاصابات وايضا لا ينتج مقاومه للطفيل ضد مضادات الكوكسيديا هذه .

2- استخدام برنامج وقائى فى ماء الشرب للسيطره على الكوكسيديا خصوصا فى الفترات الحرجه ومن المعروف نظريا ان الكوكسيديا لا يتم الاصابه بيها الا بعد عمر 21 يوم من الدوره اى بعد سن 3 اسابيع ولكن تم ظهورها فى فترات اقل من ذلك ومن خلال خبره عمليه وليتم التصدى لهذا العدو يتم اتباع البرنامج التالى فى ماء الشرب خلال دوره التسمين :
1- اذا كان معدل الاصابه بيها عالى وفى حاله ظهور اى اصابات معويه وخصوصا كلوسترديا ممكن يتم وضع جرعه وقائيه خفيفه من الامبروليوم وفيتامين ك لمده 24 ساعه لمده يوم من الفتره من 10 الى 14 يوم ودى جرعه خفيفه بس لحمايه القطيع قبل نزول الجرعه الاساسيه والى بافضل نزولها بعد تحصينه الاسوتا يعنى 19 20 21 يوم من العمر ينى هايكون برده فى ادويه تانيه ضد الميكوبلازما والاى كولى يعنى تانى يوم من تحصينه الاسوتا والى بتكون غالبا فى عمر 18 يوم هانزل ادويه لمده 24 ساعه ولمده 3 ايام متتاليه
12 ساعه مثلا تايلوزين وكولستين
12 ساعه مضاد كوكسيديا مثل نيوكوكس او فيتاكوكس او كوكسيديا هيل وعلى فكره انا بافضل استخدام النوع ده من الادويه وعدم استخدام التولتازوريل فى المرحله دى لان الانواع دى افضل كوقايه عن التولتازوريل الى هو افضل كعلاج.
يتم تنزيل جرعه تانيه عمر 27 و 28 ويكون نها تكون تولتازوريل وده برده معاد دواء للميكوبلازما ممكن نديه 12 ساعه من ده و 12 ساعه من ده ويتم تكرار الجرعه دى كل اسبوع مره مع طول الدوره ولو الدوره هاتنباع على عمر 35 الى 36 يبقى البرنامج الاسبق كفايه قوى .

باالنسبه للبياض والامهات :
تم الاعتماد على التحصين واشهرهم تحصين الكوكسى فاك فى العلف على عمر 3 ايام من الدوره ودى كل المعلومات المتاحه عن التحصين وملاحظات هامه جدا فى حاله استخدامه:
يتم حساب كميه العلف التى تستخدم فى التحصين 15 جم لكل كتكوت يعنى كل 1000 يحتاجوا 15 كجم علف يتم توزيعهم بمعدل 1 كجم لكل طبق من اطباق التحضين ويتم رصهم فى ارضيه العنبر استعدادا للتحصين
كيفيه تحضير التحصين ؟
يتم حساب كميه المياه بمعدل 400 سم لكل 1 امبوله تحصين لكل 1000 طائر يتم وضع المياه وتكون مياه مقطره او معدنيه يتم اذابه المذيب الملحق بالنحصين فى الماء وتقليبه جيدا ويتم وضع الامبولات بمعدل 1 امبوله لكل 1000 طائر ويتم رش التحصين رش خفيف على العلفدون بلل مكثف للعلف ويتم وضعه للكتاكيت ولا يزال الا بعد نفاذ العلف تماما .ملاحظه عدد بواكى المذيب تساوى عدد امبولات التحصين.
الاجراءات والتعليمات المتبعه فى حاله استخدام تحصين:
1- ممنوع اضافه مضاد كوكسيديا على العلف طول الدوره .
2- ممنوع علف الفراخ قبل انتهاء العلف المقدم ليهم بشكل كلى.
3- ممنوع استخدام الادويه التاليه قبل مرور 21 يوم من التحصين اوكسى تتراسيكلين كلوروتتراسيكلين السلفات النغرجين .
4- ممنوع تقليب الفرشه قبل يوم 30 من العمر.
4- فى صباح اليوم الرابع من التحصيت نقوم باعطاء الفراخ مساحه من العنبر تكفى لمده 10 ايام بدون نقل فرشه .
5- فى حاله التةسيع بعد ذلك فى المساحه يتم نقل جزء مناسب من وش الفرشه ويتم فرشها بالتجانس على المساحات الجديه حتى نهايه العنبر .
6- ممنوع نقل الفراخ من عنبر الى اخر قبل عمر 30 سوم.
7- فى عمر 14 الى 21 يوم نلاحظ لون الزرق عسلى بنى او معرق بدم وده دلاله جيده على نجاح التحصين ويتم وضع فيتامين ك وه+سيلينيوم وسنرتوكس 8 ساعات .

مللحظه هامه جدا جدا ؟
عالجت الكوكسيديا وبتظهر تانى ليه ؟
لازم فى حاله الكوكسيديا يتم اعطاء قرص علاجى متكامل وفى حاله استخدام الادويه المحتويه على سلفات يتم اعطاء العلاج لمده 3 ايام وراحه يومين ثم تكمله العلاج لمده يويمن اخرين او 3 .
انا عن نفسى افضل استخدام التولترازوريل 2.5 % فى ماء الشرب كعلاج لما لها من تاثير قوى على مراحل الطفيل المختلفه .

عمال تعالج كوكسيديا وما فيش استجابه ؟
ليه مصمم انها كوكسيديا مش ممكن تكون كلوسترديا عالج وشوف.

فى الاسبوع الاول من العمر نافق عالى وبتفتح الامعاء والاعورين تلاقى دم يا مفترى استنى ما تقولش انها كوكسيديا ممكن تكون صوره من صور الاصابه بكولاى والاسالمونيلا .

ايه العلاقه بين الكوكسيديا والكلوسترديا غير انهم بيبداوا بنفس الحرف ك
طبعا العلاقه وثيقه ساكنين فى نفس البيت الامعاء ودايما لما بيكون هناك اصابه بالكلوسترديا استنى الكوكسيديا .
قاعده هامه جدا
عندك كوكسيديا هتعالجها وبرده تنزل جرعه وقائيه للكلوسترديا والعكس صحيح .
ملحوظه هامه جدا : ادويه الكوكسيديا يفضل ان تعطى على مدار 24 ساعه .

طيب عندى خلاص اصابه بالكوكسيديا فى القطيع ايه هو برنامج العلاج الامثل وتقدروا تقولوا ده
برنامجى الخاص والى بافضله
اضافه الادويه المحتويه على تولتازوريل 2.5 %او زى بايكوكس او دايكلازوريل سايل زى ديكلوسول وغيرها وغيرها بمعدل 1 سم لكل لتر ماء شرب لمده 24 ساعه لمده يومين او 2 سم لكل
لتر 12 ساعه لمده يومين او 3 سم لكل لتر 8 ساعات لمده يومين .
مع الدواء ده هانحط اد3ه عالى التركيز مع فيتامين ك لتلافى تاثير الكوكسيديا على الامعاء من انزفه وتهتكات.
يتم اعطاء جرعه وقائيه للكلوسترديا ويفضل هنا ادويه الاحماض لرخص ثمنها وان انا باديه بس للوقايه زى مثلا
سال كول 1سم لكل لتر
دىتوكس 2سم لكل لتر
انتروكير 1سم لكل لتر
فى ماء الشرب 12 ساعه لمده يومين الى 3 ايام.
ليه التولتازوريل عن غيرها ؟
1- لانها بتتميز بتاثيرها واسع الطيف على كل انواع الطفيل وانها بتشتغل على كل المراحل بتاعه خصوصا المراحل المتاخره لما بتكون الكوكسيديا تفشت وانتشرت واستفحلت .
2- ممكن ندى معاه اى ادويه تانيه فى نفس ماء الشرب بدون اى تعارض.
3- نسبه الامانه منها عاليه جدا شغلها على الطفيل باكتر من محور فبتقضى عليه تماما.

اظن كده عرفنا كل حاجه عن عدونا ةايه هى نقط ضعفه خلاص محاربته سهله وبسيطه.
يارب الموضوع يعجبكم ويكون مختلف عن اى طرح تانى.
وفوق كل زى علم عليم