ما صدكَـ وكتي
________
ما صدكَـ وكتـي ويـــاي
من كَال أكــــو
غيوم
ويخضر زرعنه وتفرع
الكَاع
ويحل الربيع أبهـــــــاي
الربوع
ويتلون وردنه أبـسرعـه
وبساع
**
هذا الحلم ما مر بينــــه
فد يوم
وماكو خبر مفرح يمـنه
ينذاع
بس الموت يحصــد بينه
باكَات
وكل الناس من المــوت
تلتاع
يمته الفرح يم شـــاطي
المحبين
يجدم غفل ونلف أحنــه
ألشراع
**
مسكين الوطن ما مــر
فرح بيه .
وبيه أمن الزلم أبــطال
وأسباع
مسكين الشعب خـــيره
ترا هواي
هـــذا الوطــــن كلـــي
أشلون ينباع ؟
_______________________________
الشاعر / فالح حسن الجابري
___________________
17/3/2018م
