بوفيه مفتوح
========
عجبى لناس تيجى وتروح لبوفيه واسمه كده مفتوح
افراح كتيرة ومناسبات كله يزيح فى حاجات وحاجات
يتسابقوا يجروا بسرعة عليه ويقضوا فى ثانية برضه عليه
هرم ومحطوط كده طبقات لحمة وسمك سبيط حلقات
وفراخ ورز بشكل كتير ومكرونة برضه بسلطة قليل
ولو حصل ده فى اى خليج خرفان وبط ووز وديك
والفاكهة برضه مع الحلويات والفرم يبقى كده لساعات
وكأنه اكل لزوجة الفيل محشى ويكفى كده لسنبن
ده الاكل برضه ضرره كتير ياذى بشدة صحيح وعليل
وبيترمى ده فى نهر النيل او حتى فى زبالة صراصير
طب ليه كده دايما تبذير وغيرك يعوزه فقير مسكين
فى ناس تموت وجعانة كمان بتعانى برضه من الحرمان
وعشاها يبقى فى كتر النوم او حتى دقة اوفول بالتوم
لو خدنا منه كاحتياجات والباقى يتوزع كزكاة
كله ينام مبسوط شبعان غنى وفقير اصله انسان
ونسيبنا بقى من كل عادات فى الاصل هى سلبيات
وعرب ده يعنى واوروبيين الفرق بينهم برضه كبير
وهم دايما ياكلوا قليل وينتجوا فى كتير وكتير
بكفاية يعنى طول اليوم ويريحوا كده فى القولون
والشغل ليهم بالإنتاج بالدقة يعنى والاحتياجات
اما العرب ده فى طول اليوم بيهروا دايما فى القولون
ويقولوا برضه اكل ونوم وربك ده هو يجيب فى العون
ويبقى البوفيه مفتوح على طول لغنى وفقير وكتير محروم.
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
