بتموت كلماتي المنفعلة
-----------------
يا معالي وزير التعليم
يا مهندس يا أبو عقل فهيم
بتموت كلماتي المنفعلة
وأنا بقبض فكة وملاليم
--------------------
ثانية من وقتك يا معلم
يا فاهمني من غير ما اتكلم
عايش بين تخته وسبورة
ولا بسمع كلمة تكريم
--------------------- 
أولادنا وأخلاقهم ضاعت
أفعالهم وألفاظهم ماعت
وبجاحة ومكر حاجات تقرف
وأنا نازل شرح وتفهيم
-------------------------
عايش بالزق وبالعافية
شغلانة وهتجبلي الكافية
عذراً راح أقولها وبلا افية
تعليمنا مرضان وسقيم
-------------------------
أسف بأعلنها ومتأسف
أحيانًا بنسي وبتفلسف
ساكت يا سيادتك مش هنطق
غير بس تحية وتعظيم
---------------------------
يا معالي وزير التعليم

 

‫#‏جابرسليمان

  • Currently 0/5 Stars.
  • 1 2 3 4 5
0 تصويتات / 42 مشاهدة
نشرت فى 25 مايو 2016 بواسطة darch89

عدد زيارات الموقع

9,509