شايل علي كتفي رصاصة الم

وخنجري وسمكي ومعايا اللغم

وركوبه جوه القطر وكمسري يعند

فين حق درجه مكيفه ياجند

فتشت في جيوبي وملقتشي

غير حق شحنه لأم مفرحتشي

باجازه ليه عدت ومبكبيتشي

قالت دا وقت يفوت منزعلشي

   وسندوتش الفول علي طحينا

اكل الغلابه وربنا رضينا

وكمسري يجري ورايا او ام

اجري يادفعه ارجع ورا ياخدام

دي درجه أولي لطبقه ويا نظام

حاضر انا هبعد متمسكنيش ياعم

دي حتي مش لوني دي درجه ناس ما عندها دم

وبسرعه وانا خايف عقاب من حد

من قاده في كتيبه يشدوني شد

تقابلني طعنه ويا رصاصه تهدني هد

ووقعت وانا ماسك رقم أمي

وصوره جوه بطاقه شربت كاسات دمي

خلاص فرقت الحياه وتركت دنيا البشر

افتكرو مني وصيه توصلوها لامي

ابنك رجال راضي بقسمته والقدر

ابنك رجال ..ابنك رجال

قوم ياوطن مايبقي قلبك حجر

قوم ياوطن هدي دموع أمي
بقلم/ حبيبه كريم
24/4/2016

أعجبني