جارى التحميل
استخدم زر ESC أو رجوع للعودة
زجل مغربي
أنا نسيتْ..
**
يَمْكنْ نْقولْ أنا نسيتْ
واخَّ نسيتْ،جرحي كْبيرْ
قلبي بكا و عقلي شْكا
عْلى للي كان كيفْ الطوِيرْ
كْلامو كانْ مْزوَّقْ
قالو عليه دَغْيَ يطيرْ
انكرْ وُ اغدرْ وُما رجعْ
وانسى العش الدافي
انكرْ و غاب و ما بانْ
خلى النبع الصافي
إلى رجع قولولو
يمشي لْبحارْ يشربو
وْ إِلاَ قال: أنا ندمت .
راسو لحيط يضربو
ديك القصة طويناها
و من البال نسيناها
شاف الليل حروفها
بدموعنا كتبانها
طلع الضو ما بانت
بفرحها و بْخوُفها
يا ريتها ما كانت
إلى رجع قولولو
يمشي لْبْحَر يشربو
وِلا قال :أنا ندمت
راسو للحيط يضربو
****
خديجة أحمد قرشي
المصدر: زجل مغربي ..أنا نسيت ..بقلم:خديجة أحمد قرشي
همس الخواطر : ثقافة..أدب..فن.
أ. خديجة قرشي