آنا خـــلاص .!
عـود اتفـتل ؛
بوجع السهر وهم السؤال
يكفيني اني حزين لاني
بآحس قلبي عاشق محال
الشمس غابت وعيوني سابت
الجفن يفرط دمعي اللي سال
حبيت ياقلبي ؛ جاوب وقال
لو كان بإدي لتحس اني صخر الجبال
لكن خسارة زيفتها
كل الحقايق عرفتها
ان اللي قبلك جره الهوا
زي ما بيجــر الرمــــال
البحر هايج والموجه عاليه
وانت اللي نازل طالب وصال
مركب ورق ؛
كان حلم سافر
لكن غرق في بحر الخيال
الدم ثائر ؛ حر طائر
دايما يهاجر لبلاد غريبة
سرقة طموح كل العيال
الحب فين نلاقيه
يا زمن فيه العجب
كل اللي فاضل فيه
ماضي وراح اتكتب
كتاب اسمه تاريخ
نسيناه ؛
ونسينا اصل الوطن
زي الطبيب في جراحه خاب
تحت التراب الكل غطا ودفن
يا لساني فوك دايما تلوك اوقات تذوك
في الجد ليه علي طول سكت
من الضعف ولا كتر الجدال
انا خلاص .!
عود اتفتل ؛
بوجع السهر وهم السؤال
مع تحيات :
شاعــ دنيا العذاب ـــر
بقلــم
إبراهيــــم غانــــم
