أنا علشان بأحبك يا أجمل نساء العالم ..يا أكثر سيدات الكون رقة ...يا أطول شعر أسود مسدول بخصلاتة فى مياة المتوسط ....يا أرق قدمين متحنيتين بحنة النوبة الجنوبية التليدة .... يا أحن ذراعين بيحمونى و يحضنونى هما الصحراوتين اللى بيدفونى فى برد الغربة و الشتاء القارس .....و أنا علشان بأموت فيكى و فى إبتسامتك اللى عرضها جايب من الأحمر لغاية صحراء ليبيا الشقيقة .....و اللى بتبين سنانك النيلام دول اللى بريقهم بيغطى على فضة القمر و ذهب الشمس فى عز الضهر .... علشان قلبك الكبير اللى مستحملنا و مستحمل اهانتنا ليكى يا كبيرة ...يا كبيرة ...يا كبيرة قوى ....... علشان ده كله ...بأحبك ..و بأجيب فى سيرتك ليل و نهار ....و ذى ما ثومة بتقول "و يحلالى أجيب سيرتك وياه".... و أقعد أتغزل فى جمالك ...و قمرات الفتان البنات اللى بيحملوا عجائب الجمال و الجاذبية فى العالم ييجوا يقفوا يكلومنى ...يلاؤكى واقفة جمبى ...فيختفوا ..لأن الشمس نورها بيطغى على النجوم ....... لا مكان لملكات الجمال ..و لا حسان الجو ..., لا حوريات البحور ...و لا فراشان النهور .....و لا جنيات الجحور ..... و لا ملكات القصور ..... و لا جالبات السرور ..... لماذا؟..لأنها هنا ..لأنها ساطعة ....و ناشرة لذهبها فى كل مكان ....هى تغزو القلوب هى حبى ...و ضحكتى ....و فرحتى ...و لا عزول بيننا و لن أتركك أبدا ...حتى و لو وضعوا بيننا البراكين و الحمم و جبال النسيان .... الأنهار والمحيطات و الغول و الحيتان ...... حا أجيبلك اللؤلؤ و أحطه على جبينك ...و أجيب لك فراشة تقف على رمشك ....و أخطف لك نسمات الياسمن و أحطهم على أنفك ...و أرسم لك صورة ليا ..., أحطها جوه قلبك .......يا " مصر " ... بسام الشماع
