(حفلة تأبين)
..................................................................
ضَلْمِّة قلوب الناس
كانشي عَشَمْهَا ف ضَي
محتاجه لُ الإحساس
يِفْرِّد يديه للغَي
يعمل معاه هُدْنَّه
حُضْن الضلام دَفَّاه
وقال لُه ياسِيدنا
انا سوادي تاه
قَبْلَّك ف حارة النور
وِعَقَد عَلَيَّا بْ عَقْد
وشُّه بنات الحُور
يقْبلشي ابداً نَقْد
وانا حَلَفْت عليه
تفارقني بالمعروف
ولا كنتش اعرف ليه
كان بالجمال موصوف
قَبْل جَريمة القَتْل
ونزيف ف قَلْب هابيل
حَبْلِّي فَتَلْتُّه فَتْل
وسكنت جُوه قابيل
لْ شمسُّه كنت الضِل
بَكِّيت عيون آدم
وصاحبت لون الغِل
بالحب يتصادم
وانا عَتْمَّه كَارهَّه النور
والغَي متْردِّد
قلت الضِيا دا يغور
والغَي قال حَدِّد
ياضَي لينا معاد
حَرِّرْني م الضَلْمَّه
محْتَلَّه قلبي بلاد
ومعادنا دا إما
تصْفَّى معاه قلوب
سوادها صَبَغ الوِش
خَلَّى البشر ب عيوب
واتبُّنوا اصْل الغِش
لَ إما فيه موتك
والعَتْمَّه بالتحديد
فرحانَّه بْ سكوتك
الضَي قال لُه شهيد
هبْقَّى بْ وِسام ممتاز
طالما الزمن دَوَّار
وَقْت الشروق برواز
ف القلب أكون تذكار
والطيبه كات طِفْلَّه
على حَظَّهَا والضَي
قتلوه على غَفْلَّه
الطيبه قالت حَي
لسه ف قلوب الناس
والوهم خَط جَبين
والضي م الاحساس
ولا نَابُّه غير تأبين

#محمد