ايام زمان…

الله علي اللمه في وسط الدار
بعد صلاة الفجر ومع بداية النهار
و (ستيته ) تنادني علي (ست الدار)
بصباح الفل هلت الأنوار

الله علي راحة البال وحوالينا قاعدين العيال 
وتدوم الضحكه الحلوه مع رنة الخلخال
اللي طالعه من القلب تتلحن وتتغني
بأعزب الألحان

وخبيز الفجريه مع كوباية الشاي
والعيش المرحرح… . والعيش البتاو
وهو طالع من الفرن برحته الجنان
والعيال يخطفوه سخن مولع
وياسلام لومعاه حتة جبنه وشوية خيار

وياسيدي علي الطاجن ولا البرام
لما يطلع من الفرن وعليه بطه
وجوزين حمام
وتتجمع العاله آخر النهار
لما يرجع من الغيط الراجل الشقيان
لجل ما تحلي اللقمه والكل يقوم
شبعان

ياسلام ياسلام علي اللمه الحلوه
وراحة البال…

بقلم/نجاة فؤاد