السلام ياأهل السلام
يامسلمين إفشوا السلام
يامؤمنين ياموحدين
ربنا إسمه السلام
والسلام هو التحية
في اللقا أو في الوداع
ودعوة من خير البرية
جالنا بالأمر المطاع
السلام هو الوئام
والتصافي وإلتئام
لكل جرح إترش ملح
بإيد الجهل واللئام
السلام دا أحلى كلمة
وشمعة قايدة في وسط ضلمة
شمعة تنشر الضياء
يخلي نورها الناس مسالمة
إيه إستفدنا من الحروب
غير دم عايص كل توب
إستفدنا إيه قولولي
غير توهتنا في الدروب
والحياة خلاص يادوب
ياللي دايب فيها دوب
ياللي غرك كتر مالك
الكفن مالوش جيوب
إسمعوني وبإهتمام
وإفهموني ياناس نيام
صلوا على النبي الأمين
عليه الصلاة والسلام
فوقوا يلا وإلا والله
في يوم وعيد مافوهش ضلة
تشوفوا بعينكم العذاب
في نار جحيم عليكو طلة
بإختصار قصر الكلام
نصيحتي ليكم السلام
وحبة حبة بالمحبة
تسكنوا في دار السلام
وفي الختام أقول سلام
وأدعيلكم رب الأنام
على الدوام ينعم عليكو
بالمحبة والسلام
بقلم طارق السيد
أعجبنيأعجبنيأحببتههاهاهاواااوأحزننيأغضبني
